بۇگىنگى تاڭدا الەۋمەتتىك مەديتسينالىق ساقتاندىرۋ قورى قازاقستان رەسپۋبليكاسى دەنساۋلىق ساقتاۋ مينيسترلىگىنىڭ «رەسپۋبليكالىق ەلەكتروندىق دەنساۋلىق ساقتاۋ ورتالىعى» شجق رمك ازىرلەگەن, جارنالاردى/اۋدارىمداردى جيناقتاۋ, ساقتاندىرۋ مارتەبەسىن ايقىنداۋ الگوريتمىن بەرۋمەن ساقتاندىرىلعان جەكە تۇلعالاردى دەربەستەندىرىلگەن ەسەپكە الۋ ءۇشىن ارنالعان ەلەكتروندى تىركەلىمدەگى اۋدارىمداردىڭ/جارنالاردىڭ ەسەبىن جۇرگىزەدى.
قازاقستان رەسپۋبليكاسى دەنساۋلىق ساقتاۋ مينيسترلىگىنىڭ اقپاراتتىق جۇيەلەرىندەگى ساقتاندىرۋ مارتەبەسى اۆتوماتتاندىرىلعان رەجىمدە كورسەتىلگەن قىزمەتتەر ءۇشىن شىعىنداردى وتەۋدىڭ ءتيىستى كوزىن ايقىنداۋ مۇمكىندىگىن بەرەدى.
وعان قوسا, قازاقستان رەسپۋبليكاسى دەنساۋلىق ساقتاۋ مينيسترلىگى 2016 جىلدان باستاپ قازاقستان رەسپۋبليكاسىنىڭ 2013-2020 جىلدارعا ارنالعان ەلەكتروندى دەنساۋلىق ساقتاۋ تۇجىرىمداماسىن ىسكە اسىرۋ شەڭبەرىندە دەنساۋلىق ساقتاۋ سالاسىنداعى اقپاراتتىق جۇيەلەردى اقپاراتتاندىرۋ جانە ولاردىڭ ينتەروپەرابەلدىلىگىن قامتاماسىز ەتۋ پلاتفورماسىن (بۇدان ءارى – پلاتفورما) ىسكە اسىرۋ بويىنشا جۇمىستاردى جۇرگىزە باستادى. پلاتفورمانىڭ نەگىزگى قاعيداتتارىنىڭ ءبىرى «پاتسيەنتكە باعدارلانۋ» بولىپ تابىلادى, ونى جۇزەگە اسىرۋ ءۇشىن پاتسيەنتكە مەديتسينالىق كومەك كورسەتۋ كەزىندە قازاقستان رەسپۋبليكاسى ازاماتىنىڭ ەلەكتروندى دەنساۋلىق پاسپورتى جۇرگىزىلۋى جانە قولجەتىمدى بولۋى ءتيىس.
ەلەكتروندى دەنساۋلىق پاسپورتىنان پاتسيەنتتى مەديتسينالىق ۇيىمداردا تەكسەرۋدەن وتكىزۋ جانە ەمدەۋ ناتيجەلەرى تۋرالى ەلەكتروندى دەرەكتەردى, سونداي-اق, جەكە تۇلعانى مەديتسينالىق ساقتاندىرۋ تۋرالى دەرەكتەردى الۋعا بولادى. پايدالانۋشىلاردىڭ ەلەكتروندى دەنساۋلىق پاسپورتىندا ساقتالاتىن دەرەكتەرگە قولجەتىمدىلىگى پاتسيەنتتىڭ جەكە كابينەتى ارقىلى ۇيىمداستىرىلادى.
سونىمەن قاتار, پاتسيەنتتىڭ جەكە كابينەتى پايدالانۋشىعا ونىڭ دەربەس دەرەكتەرىنە, ونىڭ ىشىندە مەديتسينالىق دەرەكتەرىنە قولجەتىمدىلىك بەرەدى, قابىلداۋعا جازىلۋ, دارىگەردى ۇيگە شاقىرۋ جانە باسقالارى سياقتى ەلەكتروندى دەنساۋلىق ساقتاۋ سالاسىنىڭ قىزمەتتەرىنە قولجەتىمدىلىك الۋ مۇمكىندىگىمەن قامتاماسىز ەتەدى. پاتسيەنتتىڭ جەكە كابينەتىنە پاتسيەنتتىڭ دەنساۋلىعىمەن بايلانىستى ءىس-شارالاردى, مىسالى, جوسپارلى تەكسەرىپ-قاراۋدى, ەگۋدى جانە باسقالارىن وتكىزۋ قاجەتتىگى تۋرالى حابارلاما تۇسەدى.
مەملەكەتتىك جانە جەكەمەنشىك سەكتورداعى باسقا ۇيىمداردىڭ تاجىريبەسىنەن, سونداي-اق, حالىقارالىق تاجىريبەدەن بيزنەس-پروتسەستەردى اۆتوماتتاندىرۋ قىزمەتكەرلەردىڭ جۇمىس ىستەۋ پروتسەسىن جەڭىلدەتەتىنىن جانە قاعاز تاسىعىشتارداعى قۇجاتاينالىم سانىن ازايتاتىنىن, سونداي-اق, ءمامس سۋبەكتىلەرى اراسىنداعى ءوزارا ەسەپتەسۋ پروتسەسىنىڭ تولىقتاي ايقىندىعىنا قول جەتكىزىلگەنىن كورسەتەدى. ناتيجەسىندە ۇيىمدا جۇمسالاتىن رەسۋرستاردىڭ ۋاقىتى جانە قۇنى ازايتىلادى, بۇل كەيىنگىدە ۇيىمنىڭ قارجىلىق قاراجاتىن تۇبەگەيلى ۇنەمدەۋ مۇمكىندىگىن بەرەدى.
الەنا رەبريكوۆا,
اينۇر جانمولداەۆا