سپيكەردىڭ ايتۋىنشا, ەسەپتىك كەزەڭنىڭ قورىتىندىلارى بويىنشا قازاقستان اۋماعىندا جالپى قۇنى 64,5 ملرد تەڭگەنىڭ جۇك تەحنيكاسى مەن اۆتوبۋس تەحنيكاسىن قوسا العاندا 8 768 اۆتوكولىك قۇرالى وندىرىلگەن.
ء«ونىم كولەمىنىڭ زاتتاي كورىنىسى وتكەن جىلدىڭ كورسەتكىشىنەن 3,6 ەسە اسىپ ءتۇستى. جەڭىل اۆتوكولىكتەر ءوندىرىسى 7 779 بىرلىككە جەتىپ, 5,3 ەسە ۇلعايدى. اۆتوبۋس تەحنيكاسىن شىعارۋ (313 بىرلىك) 2017 جىلدىڭ قاڭتار-ماۋسىم ايلارى قورىتىندىلارى بويىنشا ءبىر جىل بۇرىنعى كورسەتكىشتەن 4,4 ەسە ۇلعايدى. جۇك اۆتوكولىكتەرى ءوندىرىسى (487 بىرلىك) 32,1% قىسقاردى», – دەدى باسقارما توراعاسى.
سونداي-اق سپيكەر 2017 جىلدىڭ ماۋسىم ايىنىڭ ناتيجەلەرى بويىنشا اۆتوكولىكتەر شىعارۋ 1818 بىرلىكتى قۇراعانىن, ول 2016 جىلمەن سالىستىرعاندا 2,5 ەسە وسكەنىن تىلگە تيەك ەتتى.
«وتاندىق اۆتوزاۋىتتاردىڭ ءونىم وتكەرۋى جىلدىڭ باسىنان بەرى 7748 بىرلىكتى قۇرادى, بۇل وتكەن جىلدىڭ كورسەتكىشىنەن 57,5% جوعارى. قازاۆتوونەركاسىپ كاسىپورىندارىنىڭ نارىقتىق ۇلەسى وتكەن جىلدىڭ ۇقساس كەزەڭىندەگى 21,8% سالىستىرعاندا 37% جەتتى. بۇل رەتتە ماۋسىمدا بۇل كورسەتكىش تاريحي ماكسيمۋمدى جاڭارتىپ, 46,9% قۇرادى», – دەدى ول.
«كازاۆتوپروم» قازاقستاندىق ءاتوموبيلدى كاسىپورىندار وداعى» زتب باسقارما توراعاسى ەسەپتىك كەزەڭنىڭ قورىتىندىلارى بويىنشا 831 اۆتوكولىك قىتايعا, رەسەيگە, بەلارۋسياعا جانە تاجىكستانعا ەكسپورتتالعانىن جەتكىزدى. سونىمەن قاتار ول ەكسپورتتىق جەتكىزىلىمدەردىڭ كوشباسشىسى Lada برەندى بولىپ تۇرعانىن اتاپ ءوتتى.
راۋان قايدار, «ەگەمەن قازاقستان»