الماتىدا ارزان باعالار فەستيۆالى وتەدى

«استانا ەكسپو-2017» حالىقارالىق كورمەسىنە وراي ۇيىمداستىرىلاتىن فەستيۆال 1 تامىزدا باستالىپ, 1 قىركۇيەككە دەيىن جالعاسادى دەپ كۇتىلۋدە.

«Almaty Sales Festival: Summer 2017» ارزان باعالار فەستيۆالىنە قالانىڭ 100 ساۋدا ورتالىعى مەن 15 مەيمانحانا قاتىسادى.

اتالمىش فەستيۆالگە قاتىسۋشىلاردىڭ بارلىعى كيىم, تەحنيكا, اكسەسسۋارلاردى ارزانداتىلعان باعامەن ساتادى. قىسقاسى, فەستيۆالگە ارزان باعامەن تاۋارلاردىڭ سان الۋان ءتۇرى قويىلماق.

ساۋدا ورىندارىندا تاۋار تۇرلەرىنە سايكەس, باعالار 80 پايىزعا دەيىن تومەندەتىلمەك. ال قوناقۇيلەردىڭ قىزمەتى 40 پايىزعا دەيىن ارزاندايدى.

فەستيۆال 4 تامىز كۇنى «مەگا الما-اتا» ساۋدا ورتالىعىندا قازاقستاندىق ەسترادا جۇلدىزدارىنىڭ قاتىسۋىمەن رەسمي تۇردە اشىلادى.

ايناش ەسالي, «ەگەمەن قازاقستان» الماتى