Paint ۇزاق جىلدار بويى Windows-تىڭ نەگىزگى جوبالارىنىڭ ءبىرى بولدى. ول باستاۋىن 1985 جىلدىڭ قاراشا ايىندا جارىق كورگەن Windows 1.0back جۇيەسىنەن الادى. Microsoft وسى كۇنگە دەيىن Paint باعدارلاماسىن تۇراقتى نەگىزدە جەتىلدىرىپ كەلدى. قولدانۋشىلار سۋرەت رەداكتورىنىڭ ۇسىنعان مۇمكىندىكتەرىنە ابدەن ماشىقتانىپ الىپ, باعدارلامانىڭ شەكتەۋلى مۇمكىندىكتەرىنە كوڭىل اۋدارماعان بولاتىن.
قىسىل-تاياڭ كەزدەرى Paint ءاردايىم جۇمىستى ورىنداۋعا سەنىمدى كومەكشى بولعانى راس. جاڭالىقتى ەستىگەن قولدانۋشىلار الەۋمەتتىك جەلىدە سۋرەت رەداكتورىمەن «قوشتاسۋعا» قىزىقتى ۆيدەولار مەن سۋرەتتەر جاريالاي باستادى.
جىلدىڭ باسىندا تانىستىرىلعان Windows 10 Creators Update وپەراتسيالىق جۇيەسىندە Paint 3D جوباسىنىڭ (ياعني قازىرگى Paint-تىڭ جەتىلدىرىلگەن ءتۇرى) تۇساۋى كەسىلدى. جۇرت ۇيرەنگەن سۋرەت رەداكتورى «ەسكىرگەن» دەپ تانىلعانىمەن, Microsoft ونى ناقتى ىستەن شىعاراتىنى تۋرالى مالىمدەمەدى. دەگەنمەن, بۇل جاڭالىق كلاسسيكالىق Paint-تىڭ مارەسىنە جەتۋىنىڭ بەلگىسى.
(سۋرەت: Paint 3D جوباسىنىڭ ماكەتى)
ايتا كەتەيىك, «ەسكىرگەن» باعدارلامالاردىڭ اراسىندا Outlook Express, Reader app and Reading list فۋنكتسيالارى دا بار.