رۋدنىيلىق كەنشىلەردى ساپارعا قالالىقتار ورتالىق الاڭنان سالتاناتتى تۇردە شىعارىپ سالدى.
– بۇل سىزدەر ءۇشىن ماڭگى ەستە قالاتىن ساپار بولادى. قازاقستاننىڭ حالىقارالىق ەكسپو كورمەسىن وتكىزۋ قۇقىنا يە بولۋى, بۇگىندە ونىڭ تابىستى ءوتىپ جاتۋى ءبىزدىڭ ەلىمىز دامۋىنىڭ ءبىر ايعاعى دەر ەدىم. ەل ەكونوميكاسىنىڭ سەرپىلە دامۋىنا ۇلەس قوسىپ جۇرگەن وزدەرىڭىز. بۇل ساپاردىڭ مەتاللۋرگتەر مەرەكەسىمەن تۇستاس كەلۋى زور ماڭىزعا يە. ءبىزدىڭ ەلىمىزدە بەيبىتشىلىك پەن ەڭبەك سالتانات قۇرعان,–دەدى «سسكوب» اق الەۋمەتتىك ماسەلەلەر مەن كورپوراتيۆتىك مادەنيەت ءبولىمىنىڭ باسشىسى الەكساندر ماكارەنكو.
ساپارعا شىققاندارعا يگى تىلەكتى كاسىپورىننىڭ كاسىپوداق كوميتەتىنىڭ ءتورايىمى تاتيانا شەرستوبيتوۆا جالعاستىرىپ, ولاردىڭ استانادان, ەكسپو-دان جاقسى اسەرمەن ورالاتىندارىنا سەنىم ءبىلدىردى. كەنشىلەر ەكسپو كورمەسىنە جاز بويى وسىلاي توپ-توپ بولىپ باراتىن بولادى. سونىمەن قاتار, استاناعا بيىلعى جازدىڭ اياعىنا دەيىن ەۋرازيالىق توپ قۇرامىنداعى كەن كاسىپورىندارىنان 6,5 مىڭ كەنشىنىڭ جولى تۇسەدى. ولار ەۋرازيالىق توپ اشقان اكادەميادا وقيدى جانە ەكسپو كورمەسىن تاماشالايتىن بولادى.
ءنازيرا جارىمبەت, «ەگەمەن قازاقستان» رۋدنىي