ءبىرىنشى ورتا سالماقتاعى WBO NABO جانە WBA Inter-Continental تۇجىرىمدارى بويىنشا الەم چەمپيونى قانات "QAZAQ" يسلام (24-0, 19 كو) دۇنيەجۇزىلىك بوكس قاۋىمداستىعىنىڭ (WBA) جاڭارتىلعان رەيتينگىندە ەكىنشى ورىنعا كوتەرىلدى, دەپ جازدى Vesti.kz.
وتانداسىمىز وتكەن ايدىڭ قورىتىندىسى بويىنشا ءۇشىنشى ورىندا تۇرعان بولاتىن. جاڭارتىلعان رەيتينگتە قانات يسلام بۇل تۇجىرىمنىڭ ۋاقىتشا الەم چەمپيونى ارگەنتينالىق كارلوس برايان كاستانودان كەيىنگى ەكىنشى ورىنعا جايعاستى.
جارتىلاي ورتا سالماقتا جۇدىرىقتاسىپ جۇرگەن وتانداسىمىز جانقوش تۇراروۆ (21-0-0, 15كو) 10-ورىننان كورىندى. ەستەرىڭىزگە سالا كەتسەك, قانات يسلام ءوزىنىڭ كەلەسى كەزدەسۋىن كانادالىق برەندون كۋككە قارسى وتكىزەدى. جەكپە-جەك 9 قىركۇيەك كۇنى استانا قالاسىندا وتەدى.