ەلوردادا سول جاعالاۋداعى بىرقاتار كوشەلەردىڭ تۇرعىندارى سۋ قۇبىرىنداعى اپات سالدارىنان اۋىز سۋسىز قالدى. بۇل تۋرالى «ەسىل» اۋدانى اكىمدىگىنىڭ Facebook پاراقشاسىندا حابارلاندى.
«قۇرمەتتى «ەسىل» اۋدانىنىڭ تۇرعىندارى! بۇگىن, 23 شىلدەدە ساعات 06:35-تە سىعاناق پەن ساۋران كوشەلەرىنىڭ قيىلىسىندا سۋ قۇبىرى جارىلدى. قازىرگى ۋاقىتتا «استانا سۋ ارناسى» مقك جارىلعان جەردەن سۋ اعىنىن توقتاتۋ, سۋ ايداۋ جۇمىستارىن جۇرگىزىپ جاتىر. سودان كەيىن قانشا تۇرعىن ۇيگە اۋىزسۋ بەرۋ شەكتەلەتىنى بەلگىلى بولادى. اقاۋدى جويعانشا سۋدى كولىكپەن تاسۋ ۇيىمداستىرىلادى», دەلىنگەن.