بەرىك ابات ۇلى ەسەنعاليەۆ باتىس قازاقستان وبلىستىق اۋىل شارۋاشىلىعى باسقارماسىنىڭ باسشىسى بولىپ تاعايىندالدى, دەپ حابارلايدى وبلىس اكىمدىگىنىڭ باسپاسوز قىزمەتى.
وبلىس اكىمى التاي كولگىنوۆ باسقارما ۇجىمىنا جاڭا باسشىنى تانىستىرىپ, قىزمەتىنە تابىس تىلەدى.
بەرىك ەسەنعاليەۆ 1977 جىلى تۋعان. ءبىلىمى جوعارى, 1998 جىلى باتىس قازاقستان اۋىل شارۋاشىلىعى ينستيتۋتىن بىتىرگەن. 1999 جىلى ەڭبەك جولىن «قۇرمەت» زەينەتاقى قورىنىڭ مامانى رەتىندە باستاپ, كەيىن وسى قوردىڭ وڭىرلىك ديرەكتورى, 2002-2008 جىلدارى ارالىعىندا وبلىستاعى بىرنەشە كاسىپورىنداردا باسشىلىق قىزمەتتەردە بولدى.
2008-2012 جىلدارى جانىبەك اۋدانى اكىمىنىڭ ورىنباسارى, 2012-2013 جىلدارى وسى اۋداننىڭ اكىمى, 2013-2014 جىلدارى باتىس قازاقستان وبلىسى قارجى باسقارماسى باسشىسىنىڭ ورىنباسارى, 2014 جىلدان باستاپ بۇگىنگى كۇنگە دەيىن بقو ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ ورىنباسارى لاۋازىمىندا بولدى.