شاياحمەت قاناپيانوۆ 66 كەلى سالماقتا ونەر كورسەتىپ, اقتىق سايىستا رەسەيلىك بالۋان رۋسلان اسكەروۆتان جەڭىلدى. فينالعا شىقپاس بۇرىن جەرلەسىمىز تۇرىك, يران جانە ۋكراين دزيۋدوشىلارىن تىزە بۇكتىرگەن. قازاقستان تاۋەلسىزدىك العالى بەرى سۋردوليمپيادا ويىندارىندا جۇلدە الىپ كورمەگەنىن ەسكەرسەك, شاياحمەتتىڭ جەتىستىگىن تاريحتا قالاتىن جەڭىس دەپ ايتۋعا بولادى.
ەسكە سالا كەتەيىك, 28 شىلدەدە تۇركيانىڭ سامسۋن قالاسىندا ءححىىى سۋردوليمپيادا ويىندارى باستالعان بولاتىن. ءتورت جىلدا ءبىر وتەتىن الەمدىك جارىسقا 100 مەملەكەتتىڭ 3 مىڭنان استام سپورتشىلارى قاتىسۋدا. اتالعان جارىستا ەل نامىسىن 9 سپورت تۇرىنەن 50-گە جۋىق سپورتشى قورعاۋدا. اتاپ ايتقاندا, قازاقستاندىق سپورتشىلار گرەك-ريم كۇرەسى, جەڭىل اتلەتيكا, ءجۇزۋ, تاەكۆوندو, كاراتە, ۇستەل تەننيسى, دزيۋدو جانە سپورتتىق باعدارلاۋ تۇرلەرىنەن باق سىناۋدا. سۋردوليمپيادا ويىندارى 30 شىلدەدە اياقتالادى.