جيىننىڭ VI وتىرىسىندا «استانا ەكسپو-2017» ۇلتتىق كومپانياسى باسقارما توراعاسىنىڭ ورىنباسارى ەربول شورمانوۆ ءسوز سويلەدى. ول القالى باسقوسۋدا ەكى كۇندىك كونفەرەنتسيانىڭ باعدارلاماسى قارجىلاندىرۋ, ينۆەستيتسيا, يننوۆاتسيالىق «جاسىل تەحنولوگيانى» دامىتۋ, بالامالى قۋات كوزدەرىن زەرتتەۋ, ەڭبەك نارىعى مەن ازاماتتاردى زاماناۋي ماماندىقتارعا وقىتۋ تاقىرىپتارىن قامتيتىنىن جەتكىزدى. سونداي-اق, ەكسپو اۋماعىندا ورنالاسقان ۇزدىك تاجىريبەلەر پاۆيلونىنداعى ەرەكشە جوبالار تولىعىراق تانىستىرىلاتىنىن ايتتى. سپيكەرلەر قاتارىنداعى ۇلتتىق ەكونوميكا, ينۆەستيتسيالار جانە دامۋ مينيسترلىكتەرىنىڭ جانە وكسفورد ۋنيۆەرسيتەتىنىڭ وكىلدەرى «جاسىل ەنەرگەتيكانى» دامىتۋ جولدارى تۋرالى پىكىر الماستى. باعدارلاما شەڭبەرىندە وزگە دە شەتەلدىك ساراپشىلار مەن كاسىپكەرلەر, ەكولوگيالىق تازا قۋات كوزدەرىن جاڭعىرتۋ سالاسىن ينۆەستيتسيالاۋ تاقىرىبىن تالقىلادى. 29 ماۋسىمدا باستالعان فورۋم 5 قىركۇيەككە دەيىن جالعاسادى.
ەكسپو-2017 حالىقارالىق كورمەسىندە ۇسىنىلعان بىرقاتار ۇزدىك تاجىريبە «بولاشاق ەنەرگياسى» فورۋمىنىڭ قاتىسۋشىلارىنا تولىعىراق تانىستىرىلدى. ونىڭ قاتارىندا اۆستريالىق كومپانيانىڭ كۇن ەنەرگياسىن شوعىرلاندىرۋ جوباسى مەن سۋ ەلەكتر ستانسالارىنا ارنالعان قۇرال-جابدىقتارى بار.