ادەپ جونىندەگى ۋاكىلدىڭ ۇتىمدى جۇمىستارى

وتكەن جىلى, ادەپ جو­نىندەگى ۋاكىلدىڭ جەكە قا­بىل­داۋىنا جەرگىلىكتى ات­قا­رۋ­شى ورگانداردان 16 ازامات كەلگەن بولسا, وسى جىل­دىڭ 5 ايىندا 17 ازامات قا­بىل­دان­عان. ازاماتتاردىڭ باسىم كوپشىلىگى مەملەكەتتىك قىز­مەت سالاسىنداعى زاڭناماعا تۇ­سىندىرمە سۇراعان. ارينە, ۋا­كىلدىڭ جۇمىسى تەك زاڭ­نا­ماعا تۇسىندىرمە بەرۋمەن شە­ك­تەلمەيدى. وتكەن جىلى, اۋ­ماقتىق دەپارتامەنتتىڭ بەرگەن ۇسىنىسى نەگىزىندە ادەپ جونىندەگى ۋاكىلمەن ءتي­ىستى جۇمىستار جۇرگىزىلىپ, ماڭعىستاۋ وبلىسىنىڭ ۆەتە­ريناريا باسقارماسىن­داعى قىز­مەتكەرلەردىڭ اراسىن­داعى احۋالدىڭ ودان ءارى شيە­لەنىسۋىنە جول بەرىلمەدى. سونىمەن بىرگە, ۋاكىلدىڭ ۇسى­نىسى نەگىزىندە اتالعان باس­قارمانىڭ باسشىسى مەن جاۋاپتى قىزمەتشىلەرى ادەپ كودەكسى تالاپتارىنىڭ بۇزى­لۋ­ىنا جول بەرگەنى ءۇشىن تار­تىپ­تىك جازاعا تارتىلدى. بەينەۋ اۋدانىنىڭ ءبىر مەم­لەكەتتىك قىزمەتشىسى كە­شەندى اتتەستاتتاۋ بارىسىندا, جەكە قۇزىرەتتەرىن انىقتايتىن تەستىلەۋدەن وتكەننەن كەيىن, ونىڭ ناتيجەسىنە كوڭىلى تولماي, تەستىلەۋ ناتيجەسىن جىرتىپ تاستاپ, مەملەكەتتىك قىز­مەت­شىگە ءتان ەمەس قىلىقتار كور­­سەتكەن. بۇل دەرەك اۋماقتىق دەپارتامەنتتىڭ عيماراتىندا ورىن العاندىقتان, نازاردان تىس قالدىرىلماي, ءتيىستى اكتى جاساقتالدى. سونىمەن بىرگە, ادەپ جونىندەگى ۋاكىلدىڭ اتىنا شارا قابىلداۋ ءۇشىن ۇسىنىس ەن­گى­زىلدى. اتالعان ۇسىنىس ادەپ جو­نىندەگى ۋاكىلدىڭ بەينەۋ اۋ­دانىنا بارۋىنا جانە مەم­لە­كەتتىك قىزمەتشىگە جات قى­لىق­تاردىڭ الدىن الۋ بويىنشا تۇسىندىرمە جۇمىستارىن جۇر­گى­زۋىنە نەگىز بولدى. مەملەكەتتىك قىز­مەت­شى­لەر­دىڭ اراسىندا بولىپ جاتاتىن قو­عامعا جات قىلىقتار ورتالىق مەم­لەكەتتىك ورگانداردىڭ اۋ­ماق­تىق بولىمشەلەرىندە دە كەز­دەسەدى. وتكەن 5 ايدىڭ ىشىن­­­­دە اۋماقتىق دەپارتامەنت ورتالىق مەملەكەتتىك ور­­گان­­­­داردىڭ ادەپ جونىندەگى ۋا­كىلدەرىنە بىرنەشە ۇسىنىس­تار جولدادى. مىسالى, بيىل­عى جىلدىڭ ناۋرىز ايىندا ماڭعىستاۋ وبلىستىق ورمان شارۋاشىلىعى جانە جانۋارلار دۇنيەسى اۋ­ماقتىق ينسپەكتسياسىنىڭ قىز­مەت­شىلەرى اراسىندا ءبىر-بىرىنە دو­رە­كىلىك كورسەتۋ دەرەكتەرى ورىن العان. ناتيجەسىندە, قۇقى بۇزىلعان قىزمەتشىلەر اۋ­ماقتىق دەپارتامەنتكە شا­عىم­دانىپ, ءتيىستى تەكسەرۋ جۇ­مىس­تارى ۇيىمداستىرىلدى. شا­عىمدا كورسەتىلگەن دەرەكتەر تەك­سەرۋ بارىسىندا دالەلدەنىپ, قازاقستان رەسپۋبليكاسى اۋىل شارۋاشىلىعى مينيسترلىگىنىڭ ادەپ جونىندەگى ۋاكىلىنە قا­جەت­تى شارالار قاراستىرۋ ءۇشىن ۇسى­نىس ەنگىزىلدى. وسى ۇسىنىس نە­گى­زىندە, مينيسترلىكتىڭ ادەپ جو­نىندەگى ۋاكىلى اۋماقتىق ينس­پەكتسيانىڭ ۇجىمىمەن كەز­دەسۋ ۇيىمداستىرىپ, ادەپ نور­مالارىنىڭ بۇزىلۋىنا جول بەرگەنى ءۇشىن ينسپەكتسيا باس­شىسىنىڭ ورىنباسارىنا «سوگىس» تۇرىندە تارتىپتىك جازا بەردى.  جاقىندا ادەپ جونىندەگى ۋاكىلدەردىڭ جۇمىسىن رەتتەيتىن قازاقستان رەسپۋبليكاسى پرەزيدەنتىنىڭ جارلىعىنا وز­گەرىستەر مەن تولىقتىرۋلار ەن­گىزىلدى. وزگەرىستەرگە سايكەس, ادەپ جونىندەگى ۋاكىلدىڭ لاۋازىمى مەملەكەتتىك ساياسي جانە اكىمشىلىك قىزمەتشىلەر لاۋازىمدارىنىڭ تىزىلىمىنە ەنگىزىلدى. ەندىگى جەردە, ادەپ جو­نىندەگى ۋاكىلدىڭ فۋنكتسياسى باسقا لاۋازىمداعى قىزمەتشىگە قوسىمشا جۇكتەلمەي, دەربەس قىزمەتشى اتقاراتىن بولادى. بۇل وزگەرىس ادەپ جونىندەگى ۋاكىلدەردىڭ جۇمىسىنا جاڭا قارقىن بەرەرى ءسوزسىز. ەندەشە, تىزىلىمگە جاڭادان ەنگىزىلگەن لاۋازىم يەلەرىنىڭ جۇمىسىنا تەك ساتتىلىك تى­لەي­ىك.

ەرلەگەن مەنداليەۆ, مەملەكەتتىك قىزمەت ىستەرى جانە سىبايلاس جەمقورلىققا  قارسى ءىس-قيمىل اگەنتتىگىنىڭ ماڭعىستاۋ وبلىسى  بويىنشا دەپارتامەنتى باسشىسىنىڭ مىندەتىن اتقارۋشى