– وتكەن جىلى توموگرافتى مەرزىمدىك جوندەۋ جۇمىستارى جۇرگىزىلدى, – دەدى «شيپاگەر» كومپانياسىنىڭ ديرەكتورى دەنيس پودگاينوۆ. – بۇل «Siemens» فيرماسىنىڭ اپپاراتى. نارىقتا مۇنداي قۇرىلعىلاردى جوندەۋ وتە قىمباتقا تۇسەدى. ءبىزدىڭ ورتالىقتا وسى سەكىلدى جابدىقتى جوندەۋ جانە جەتكىزۋ تاجىريبەسى بولعاندىقتان جوندەۋ جۇمىستارى ارزانعا ءتۇستى. توموگراف ەكى اپتا بۇرىن قايتا ىسكە قوسىلدى. قىسقا ۋاقىت ارالىعىندا 300-گە جۋىق ادام زەرتتەۋدەن ءوتتى. اتالعان اپپاراتتىڭ 10 جىلدىق قىزمەتى بارىسىندا دارىگەرلەر قاراعاندى وبلىسىنىڭ 30 مىڭنان استام تۇرعىندارىنا دياگنوز قويىپ ۇلگەرگەن. توموگرافتىڭ شىققان مەرزىمى ونىڭ جۇمىس ساپاسىنا اسەر ەتپەيدى, – دەپ ءتۇسىندىردى دەنيس پودگاينوۆ. – وندا تۇراقتى ماگنيت ورناتىلعان. ول 30 جىل ارالىعىندا ماگنيت ءورىسىن ساقتاپ تۇرادى. سوندىقتان كەسكىندە ەشقانداي اقاۋ بولمايدى. قازىر قايتا قالپىنا كەلتىرىلگەن مرت اپپاراتى وڭتۇستىك-شىعىس شاعىن اۋدانىنداعى №5 ەمحانادا ناۋقاستاردى زەرتتەۋ ءۇشىن قولدانىسقا بەرىلگەن.
ميراس اسان, «ەگەمەن قازاقستان»
قاراعاندى وبلىسى