بەرلين, ۆارشاۆا, مينسك, ماسكەۋ, قازان, ۋفا, چەليابى قالالارىن ءجۇرىپ وتكەن سپورتشى قازاق جەرىنە قوستاناي ارقىلى كىرگەن. جالپى العاندا, ەكولوگيالىق تازا كولىكپەن 5500 شاقىرىم جولدى ارتقا تاستاپ, استاناعا تابان تىرەدى. شتيۋۆە جاڭعىرتىلعان ەنەرگيا سالاسىندا جۇمىس ىستەيتىن گەرمانيالىق كومپانيادا ەڭبەك ەتەدى. جاسىل تەحنولوگيانى ناسيحاتتايتىن ساياحاتشى ءدال وسىنداي ساپاردى 2015 جىلى دا جاساپ, ەكسپو-2017 كورمە كەشەنىنىڭ قۇرىلىسىمەن تانىسىپ كەتكەن ەدى. «استاناعا ەكى جىل بۇرىن كەلگەنمىن. از ۋاقىت ىشىندە كوپ جۇمىس اتقارىلىپتى. حالىقارالىق كورمە كەشەنىنىڭ ساۋلەتى ەرەكشە ەستە قالدى. جاسىل ەنەرگيا – ءبىزدىڭ بولاشاعىمىز. سوندىقتان مۇندا قانداي كولىك تۇرىمەن بولسا دا كەلىپ كورۋگە تۇرارلىقتاي تىڭ تەحنولوگيا جەتەرلىك. قىزىم استاناعا باراتىنىمدى ەستىپ, سمارتفون قاپشىعىن ارنايى توقىپ بەردى جانە ونى پرەزيدەنت نۇرسۇلتان نازارباەۆپەن كەزدەسسەم, سىيعا تارتۋىمدى ءوتىندى», دەيدى ۆەلوشاباندوز.
اسحات رايقۇل,
"ەگەمەن قازاقستان"