مەملەكەت تۇرعىندارىنىڭ 8 پايىزدان استامى قازىردىڭ وزىندە بالامالى ەنەرگيا كوزدەرىن پايدالانادى ەكەن. بۇل كورسەتكىشتى مىسىرلىقتار الداعى 5 جىلدا كوبەيتە ءتۇسۋدى كوزدەپ وتىر. ناقتىراق ايتساق, ولار ەگيپەتتى ەكىگە ءبولىپ جاتقان ءنىل وزەنىن سۋ ەلەكتر ستانساسىنا, ال SUES كانالىن جەل ەنەرگياسىنىڭ كوزىنە اينالدىرماقشى. ال كۇن ەنەرگياسى ءۇشىن ساحارا ءشولىن پايدالانۋ جوسپارلانۋدا. ۇلتتىق كۇنى ءوتىپ جاتقان مىسىرلىقتار وزدەرى ماقتان تۇتاتىن الىپ پيراميدالارىن استاناعا اكەلىپتى. «تابيعاتتا تاۋسىلماس ءتورت ەنەرگيا بار. ءبىز ۇسىنىپ وتىرعان پيراميدانىڭ ءتورت قابىرعاسىندا سول 4 ەنەرگيا كورسەتىلگەن. ونىڭ ەڭ ۇشار شىڭىندا ادام ەنەرگياسى بەينەلەنگەن. بۇل تابيعاتتىڭ بايلىعىن تانىتار ءتورت ەنەرگيانى تۇتىنۋشى ادام رەسۋرسى ەكەنىن بىلدىرەدى», دەيدى ۇيىمداستىرۋشىلار.
ەكسپو-2017 حالىقارالىق مامانداندىرىلعان كورمەسى اياسىندا ەگيپەت اراب رەسپۋبليكاسىنىڭ ۇلتتىق كۇنى ءوتتى. «بولاشاقتىڭ ەنەرگياسى» اتاۋىمەن ۇسىنىلعان قازاقستانداعى بىرەگەي كورمە بارىسىندا بالامالى ەنەرگيا كوزدەرىن پايدالانۋدان العاشقى وندىققا كىرەتىن مىسىر ەلى 1913 جىلدان بەرى كۇن پانەلىن پايدالانىپ كەلەدى.