بىلتىر اقپان ايىندا تبيليسيدەن ۆەلوسيپەدپەن ۇزاق ساپارعا اتتانعان ساياحاتشى 850 كۇننىڭ ىشىندە 50 ەلدىڭ شەكاراسىن باسىپ ءوتىپ, 50 مىڭ شاقىرىمدى ارتقا تاستاپتى. كۇنىنە 100 شاقىرىم قاشىقتىقتى ەركىن ەڭسەرىپ وتىرعان ونىڭ ەندىگى ويى – گيننەستىڭ رەكوردتار كىتابىنا ەنۋ. رەكوردتار كىتابىن 14 رەت جاڭارتقان قانداسى دجۋمبەر لەجاۆانىڭ 264 مىڭ شاقىرىم قاشىقتىقتى باعىندىرعانىن, كوپ جىل بويى ونىڭ مەنەدجەرى بولعانىن ماقتان ەتەدى. «الەم جولى» اتتى قۇرلىقارالىق ساياحات مارشرۋتىن بۇگىندە ءوزى جالعاستىرىپ, ۇستاز اماناتىن ادال ورىنداپ كەلەدى. اياق سۋىتىپ, دامىلداعان ساتتەردە سول ەلدىڭ, حالىقتىڭ تاريحىن, مادەنيەتىن, سالت-داستۇرلەرىن بىلمەككە قۇمار. قاي جاعىنان بولسىن قازاقستاننان ۇيرەنەتىن تاعىلىم, كوكىرەككە تۇيەتىن ورالىمدى ويلار كوپ دەيدى ول. الداعى باعىتى – رەسەيدىڭ ومبى, قورعان, تۇمەن وبلىستارى. ونى الدا ۇزاق جولساپار كۇتىپ تۇر. ول 2018 جىلى عانا تۋعان جەرىمەن, وتباسىمەن قاۋىشاتىن كورىنەدى. قازاقستان جايلى جىلى ۇعىمدى جۇرەگىنە ۇيالاتقان جيھانكەزگە ءسات ساپار تىلەيىك.
ءومىر ەسقالي, «ەگەمەن قازاقستان»
سولتۇستىك قازاقستان وبلىسى