وبلىستىق توتەنشە جاعدايلار جونىندەگى دەپارتامەنت وكىلدەرى وتكىزگەن بريفينگتە جوعارىداي مىسالدار كەلتىرىلىپ, ايتىپ كەلمەس اجالدىڭ سەبەپ-سالدارلارىنا تالداۋ جاسالدى. دەپارتامەنت باستىعىنىڭ ورىنباسارى ەرىك سارىباەۆتىڭ ايتۋىنشا, ادام ولىمىنە جەتەلەيتىن قاسىرەت, ەڭ الدىمەن, جەكە باس قاۋىپسىزدىگىنە نەمقۇرايدى قاراۋدان تۋىندايتىن كورىنەدى. اسىرەسە, ماس كۇيىندە سۋعا ءتۇسۋ وقيعالارى ازايماي تۇر. ول بۇكىل ءولىم-ءجىتىمنىڭ 70 پايىزىن قۇرايتىن بولسا, اتا-انالاردىڭ بالالاردى قاراۋسىز قالدىرىپ كەتۋىنەن بولاتىن قايعىلى جاعدايلار 10 پايىز توڭىرەگىندە. ومىرمەن مەزگىلسىز قوش ايتىسقانداردىڭ 65 پايىزى 18 بەن 58 جاس ارالىعىنداعىلار. وڭىردە 2390 وزەن, كول, تاعى باسقا توعاندار بارىن, ولاردىڭ 231-ءى شارۋاشىلىق ماقساتتارعا قولدانىلاتىنىن, 51 جەردە جۇرتشىلىقتىڭ جازعى دەمالىس ورىندارى, 17 ساۋىقتىرۋ لاگەرلەرى ۇيىمداستىرىلعانىن ەسكەرسەك, ساقتىق جۇمىستارىن كۇشەيتۋ, ونى كەشەندى تۇردە جۇرگىزۋ اسا ماڭىزدى ەكەنى بريفينگتە اتاپ كورسەتىلدى. وسىعان وراي تۇرعىنداردىڭ جاز كۇندەرىن ەش الاڭسىز وتكىزۋىن قامتاماسىز ەتۋگە جۇزگە جۋىق قۇتقارۋ قۇرالدارى مەن سۇڭگۋىرلەر جۇمىلدىرىلعان. جەدەل-قۇتقارۋ وتريادتارى كۇنى بويى كەزەكشىلىك ەتىپ, اسا قاۋىپتى ايماقتاردى ۇدايى باقىلايدى. سۋعا ءتۇسۋ ەرەجەلەرىن تۇسىندىرۋمەن جۇيەلى اينالىسادى.
ءومىر ەسقالي, «ەگەمەن قازاقستان»
سولتۇستىك قازاقستان وبلىسى