كەشە اقوردادا قازاقستان رەسپۋبليكاسى پرەزيدەنتى اكىمشىلىگىنىڭ باسشىسى ادىلبەك جاقسىبەكوۆتىڭ توراعالىعىمەن قازاقستان رەسپۋبليكاسى پرەزيدەنتىنىڭ جانىنداعى كادر ساياساتى جونىندەگى ۇلتتىق كوميسسيانىڭ وتىرىسى بولىپ ءوتتى, دەپ حابارلادى پرەزيدەنتتىڭ ءباسپاسوز قىزمەتى.
وتىرىس بارىسىندا تورتجىلدىق ەڭبەك شارتتارىنىڭ مەرزىمدەرى 2017 جىلعى ماۋسىم – تامىز ايلارىندا اياقتالاتىن «ا» كورپۋسى قىزمەتشىلەرىنىڭ مەملەكەتتىك قىزمەتتى ودان ءارى وتكەرۋى جونىندەگى مەملەكەتتىك ورگانداردىڭ ۇسىنىستارى قارالدى. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ۇسىنىسى بويىنشا «ا» كورپۋسى قىزمەتشىلەرىنىڭ قىزمەتىن جىل سايىنعى باعالاۋ قورىتىندىلارى بەكىتىلدى. ۇلتتىق كوميسسيا مەملەكەت باسشىسىنىڭ 2017 جىلعى 5 ساۋىردەگى №456 جارلىعىنا سايكەس, لاۋازىمدارى «ا» كورپۋسىنان «ب» كورپۋسىنا اۋىستىرىلعان ادامداردىڭ «ا» كورپۋسىنىڭ كادر رەزەرۆىنە قابىلداۋ جونىندەگى وتىنىشتەرىن قارادى.