بۇل تۇرعىداعى ماسەلە پارلامەنتتە تاۋەلسىزدىكتىڭ 25 جىلدىعىنا وراي تاريحي دەكلاراتسيا قابىلدانعان ساتتە قوعامدا بەلسەندى تالقىلانعان بولاتىن. بۇل ۇسىنىس وتە زاڭدى ەدى.
تاريحتى زەردەلەسەك, جاھاندىق كەڭىستىكتە ەلىنىڭ دامۋىنا ەرەكشە ۇلەس قوسقان بەلگىلى تۇلعالار ەسىمىن ماڭىزدى نىساندارعا بەرۋ ءۇردىسى بۇرىننان قالىپتاسقان. ونىڭ نەگىزىندە سول ەلدىڭ تاريحي بەينەسى ايشىقتالاتىنى حاق. وسى تۇرعىدان العاندا تاۋەلسىز قازاقستاندى سارىارقا توسىنە ورناتىپ, ونىڭ اتىن بۇكىل الەمگە پاش ەتكىزگەن پرەزيدەنتىمىزدىڭ ەڭبەگى ۇشان-تەڭىز.
ء اربىر ەلدىڭ ەلدىگىن تانىتاتىن ورىنى ول – اۋەجاي قاقپاسى. حالىقارالىق ستاندارتتارعا ساي سالىنعان استانا اۋەجايىنا دا كۇن سايىن ءارتۇرلى شارتاراپتان مەيماندار كەلىپ جاتىر. سوندىقتان دارا جولداعى امبەباپ قاقپانىڭ ماڭىزىنا تەرەڭ بويلاساق, ونىڭ تامىرى تەرەڭدە جاتىر. ونىڭ اياسى دا اۋماعى دا وتە كەڭ. سوندىقتان ەلدىگىمىزدى, كەمەل تاريحىمىزدى بۇكىل الەمگە تانىتقان ەلباسىمىز ەسىمىن سان ۇلت اتباسىن تىرەيتىن استانا حالىقارالىق اۋەجايىنا بەرۋى وتە ۇتىرلى ءارى دەر مەزگىلىندە قابىلدانعان شەشىم دەپ بىلەمىن.
مۇرات باقتيار ۇلى,
پارلامەنت سەناتىنىڭ دەپۋتاتى