پيلوتتىق جوبا وسىعان دەيىن استاناداعى ساۋران, 7 مەكەنجايىندا ورنالاسقان حقكو-دا قولعا الىنعان بولاتىن. ەندى الماتى قالاسىنىڭ تۇرعىندارى مەن قوناقتارى جاندوسوۆ كوشەسى, 51 مەكەنجايىندا ورنالاسقان اۋەزوۆ اۋداندىق حقكو-دا مەملەكەتتىك قىزمەتتەردى تاڭعى ساعات 8-دەن ءتۇن ورتاسىنا دەيىن الا الادى. سونىمەن قاتار, باسقا حقكو-عا بارىپ, بەلگىلى ءبىر قىزمەتكە قۇجاتتارىن تاپسىرىپ, ناتيجەسىن الۋعا ۇلگەرمەيتىن ازاماتتار ءوتىنىش جازىپ, ونى دا وسى مەكەنجايىنداعى حقكو-دا ساعات 7-دەن 00.00-گە دەيىن الۋلارىنا بولادى. پيلوتتىق جوبا 31 تامىزعا دەيىن جالعاسادى. تۇنگى ۋاقىتتا بۇل حقكو-عا كەلۋشىلەر سانى ارتقان جاعدايدا, قازاقستاننىڭ باسقا وڭىرلەرىندە دە وسىنداي جۇمىس كەستەسىمەن حقكو-لاردى اشۋ نۇسقاسى قاراستىرىلادى.
ايتا كەتەيىك, بۇل ۇكىمەتتىڭ مەملەكەتتىك قىزمەتتەردى الۋدى جەڭىلدەتۋگە باعىتتالعان ءبىرىنشى جوباسى ەمەس. مەملەكەتتىك كورپوراتسيا ناۋرىز ايىندا ەستۋ جانە سويلەۋ قابىلەتى تومەن كليەنتتەرگە قىزمەت كورسەتۋ ءۇشىن ونلاين سۋردو اۋدارما قىزمەتىن, دايىن قۇجاتتاردى ۇيگە جەتكىزۋ جاڭا سەرۆيسىن ىسكە قوستى, سونداي-اق ناۋرىز ايىنان باستاپ قازاقستاندىقتارعا مەملەكەتتىك كورسەتىلگەن قىزمەتتەردىڭ ناتيجەسى تۋرالى سمس-حابارلاما ءتۇسىپ تۇرادى.
باعاشار تۇرسىنبايلى, «ەگەمەن قازاقستان»