«بىلتىر وبلىس بويىنشا 164 مىڭ شارشى مەتر تۇرعىن ءۇيدى پايدالانۋعا بەرىلدى. بيىلعى مەجە – 200 مىڭ شارشى مەتر. بۇل سالاعا ەرەكشە باسىمدىق بەرىلەتىن بولادى. قارجىلىق جاعىنان تولىق قامتاماسىز ەتىلەدى», دەدى قۇمار ىرگەباي ۇلى.
جامبىل كوشەسىندە بوي كوتەرەتىن «جاس وركەن» شاعىناۋدانىنىڭ جوبا ۇلگىسىندە اۋماقتى جاڭا نىساندارمەن قامتۋ, گۇلزارلارمەن كوركەيتۋ, ەسكى عيماراتتاردىڭ قاسبەتىن جاقسارتۋ شارالارى قاراستىرىلعان. جول-كولىك جوندەۋ جۇمىستارى اياقتالعاننان كەيىن اينالما جولدىڭ ءدال جۇرەك تۇسىنا باتىر بابامىز قوجابەرگەن جىراۋعا ارناپ ەڭسەلى ەسكەرتكىش ورناتىلادى. ونىڭ بيىكتىگى 14 مەترگە دەيىن جەتەدى. بۇدان تىسقارى وندىرىستىك اۋماقتاعى قورشاۋ بويىنا اعاشتار مەن ءتىرى بۇتالى قورشاۋ ەگۋ ارقىلى شاعىن گۇلزارمەن كوركەيتىلەدى, جاياۋجولدار جاسالادى, شامدار مەن ورىندىقتار ورناتىلادى. جەكەلەگەن نىسانداردىڭ قاسبەتتەرى ساۋلەتكەرلىك اينەكتەۋدى قولدانۋ ارقىلى كەراميكالىق مارمارتاسپەن كومكەرىلەدى. وسى اۋماقتاعى كوشەلەردىڭ ورامى اۋماعىندا 384, 312 جانە 332 پاتەرلىك تۇرعىن ءۇي كەشەنى تۇرعىزىلادى. قازىر 4 قاباتتى تەننيس ورتالىعى مەن 9 قاباتتى پروكۋراتۋرا عيماراتىنىڭ قۇرىلىسى جۇرگىزىلۋدە.
كەڭەستە وقۋشىلار سارايى عيماراتىنىڭ جوباسى تانىستىرىلدى.
«عيمارات ءتورت قاباتتى بولادى, ول 13,5 مىڭ شارشى مەتردى قۇرايتىن 5 بلوكتان تۇرادى, 1800 بالاعا لايىقتالعان. ۇيىرمەلەرگە ارنالعان 40-تان استام كابينەت, 4 شەبەرحانا, 8 زەرتحانا, 3 كورمە زالى بولادى. بۇدان باسقا كونتسەرت, ارت جانە كونفەرەنتسيا زالدارى, مەدياتەكا, مۇراجاي, ءتىرى بۇرىش پەن دىبىس جازۋ ستۋدياسىن سالۋ قاراستىرىلعان», دەدى ساۋلەت جانە قالا قۇرىلىسى باسقارماسى باسشىسىنىڭ مىندەتىن اتقارۋشى جاسۇلان قابيەۆ.
ءوڭىر باسشىسى وقۋشىلار سارايىندا ءىت-ورتالىعى ورنالاساتىنىن ايتتى.
«كوپتەگەن ەلدەردە ءىت-ءوندىرىسى اۋىل شارۋاشىلىعىندا كەڭىنەن پايدالانىلادى. مىسالى, گەننادي زەنچەنكونىڭ مال شارۋاشىلىعىندا كوپتەگەن ۇردىستەر كومپيۋتەرلەندىرىلگەن. قازىر وسىمدىكتىڭ ءوسۋىن, ءوزىن قالاي سەزىنەتىندىگىن جانە قانداي پرەپاراتتار قاجەت ەكەندىگىن باقىلايتىن تەحنولوگيالار بار. بۇل جەردە جاڭا تەحنولوگيالاردى تەرەڭ مەڭگەرگەن جاس ماماندار جۇمىس ىستەيتىن بولادى. اۋىل شارۋاشىلىعى, قالالىق جارىقتاندىرۋ, تاعى باسقا ماسەلەلەردى تالقىلايتىن الاڭ جاسايمىز», دەدى قۇمار اقساقالوۆ.
ءومىر ەسقالي, «ەگەمەن قازاقستان»