جاسىلداندىرۋ جۇمىسىندا مالايزيا «كوبەلەك ەففەكتىسىن» قولدانادى. بۇل تۋرالى ەلدىڭ EXPO-2017 كورمەسىندەگى پاۆيلونىنىڭ كوميسسارى زايني ۋدجانگ مالىمدەدى.
– كىشكەنتاي قادامنىڭ ءوزى ۇلكەن ادىمنىڭ باسى بولۋى مۇمكىن. جاسىلداندىرۋ جۇمىسىندا ءبىز وسىعان يەك ارتامىز. سول سەبەپتى, ءبىزدىڭ پاۆيلونىمىزداعى شارالاردىڭ كوپشىلىگى كوبەلەكپەن بايلانىستى. كوپ كوبەلەك بولادى, اسىرەسە, مالايزيا اۋماعىندا ءومىر سۇرەتىن ۇلتتىق كوبەلەكتەرىمىز كوپ بولادى. ءبىز بارشانى «جاسىل» بولاشاقتى بىرگە قالىپتاستىرۋعا شاقىرامىز, – دەدى زايني ۋدجانگ.
ونىڭ ايتۋىنشا, مالايزيا كۇن پانەلدەرىن كوپ شىعاراتىن ەلدەردىڭ ءبىرى سانالادى. 2030 جىلعا قاراي ەلدە تۇتىنىلاتىن قۋاتتىڭ 21 پايىزىن جاڭعىرمالى كوزدەردەن الۋ جوسپارلانىپ وتىر.
ارنۇر اسقار, «ەگەمەن قازاقستان»