ال بيىل جوعارعى اقسۋ مەن سايرام وزەندەرى بويىنان ينۆەستيتسيا كولەمى 1,5 ملرد تەڭگە بولاتىن 5 مۆت ەلەكتر قۋاتىن وندىرەتىن گەس پايدالانۋعا بەرىلەتىن بولادى. سونىمەن قاتار, ول مەملەكەتتىك باعدارلامالاردىڭ اۋداندا تابىستى جۇزەگە اسىرىلۋىنىڭ ناتيجەسىندە اۋدان ەكونوميكاسى ەداۋىر ارتىپ, حالىقتىڭ تۇرمىس-تىرشىلىگى ايتارلىقتاي جاقسارا تۇسكەنىن ايتتى.
«بيىل اۋدان بيۋدجەتىنىڭ كولەمى 17 ملرد. تەڭگەنى قۇرادى. ال جالپى وڭىرلىك ءونىم وسى جىلدىڭ ءتورت ايىندا 20 ملرد. تەڭگەگە جەتتى. نەگىزگى كاپيتالعا باعىتتالعان ينۆەستيتسيالار كولەمى 1808,9 ملن. تەڭگە بولىپ, بىلتىرعى جىلدىڭ ءتيىستى كەزەڭىمەن سالاستىرعاندا 104,3 پايىزدى قۇرادى. ونەركاسىپ سالاسىندا وسى جىلدىڭ 4 ايىندا 7 ملن. 456 مىڭ تەڭگەنىڭ ءونىمى ءوندىرىلدى. ونىڭ ىشىندە قايتا وڭدەۋ سالاسىندا 6 ملرد. تەڭگەدەن استام ءونىم وندىرىلسە, ونىڭ ونەركاسىپتەگى ۇلەسى 87,9 پايىزدى قۇرايدى»,-دەدى اۋدان اكىمى.
سونىمەن قاتار, بريفينگ بارىسىندا اۋدان اكىمى ب.پارمانوۆ يندۋستريالدى ايماقتا 40 گەكتار جەرگە «نۇرلى شاپاعات» جشس-گى قۇرىلىس ماتەريالدىن شىعاراتىن 6 زاۋىتتىڭ قۇرىلىسىن سالۋدى جوسپارلاپ وتىرعانىن جەتكىزدى.