ەلوردادا وتەتىن شانحاي ىنتىماقتاستىق ۇيىمى سامميتىنە قاتىسۋ ءۇشىن وزبەكستان پرەزيدەنتى شاۆكات ميرزيەەۆ پەن پاكىستان پرەزيدەنتى مامنۋن حۋسەين كەلدى, دەپ حابارلايدى قازاقپارات.
بۇعان دەيىن اتالعان حالىقارالىق جيىنعا قاتىسۋ ءۇشىن استاناعا اۋعانستان پرەزيدەنتى اشراف گاني احمادزاي, موڭعوليا پرەزيدەنتى تساحياگين ەلبەگدورج جانە قحر توراعاسى سي ءتسزينپيننىڭ كەلگەنىن حابارلاعان بولاتىنبىز.
ايتا كەتەرلىگى, شىۇ ءسامميتى بارىسىندا پاكىستان مەن ءۇندىستان اتالعان ۇيىمعا مۇشەلىككە قابىلدانادى دەپ كۇتىلۋدە. وسىلايشا, شىۇ جەر تۇرعىندارىنىڭ 40 پايىزىن, الەم ەكونوميكاسىنىڭ شامامەن ۇشتەن ءبىرىن قامتيتىن بولادى. بۇگىندە ۇيىمعا رەسەي, قىتاي, قازاقستان, قىرعىزستان, تاجىكستان جانە وزبەكستان ەلدەرى مۇشە. قازىرگى ۋاقىتتا شىۇ توراعاسى - قازاقستان. ەرتەڭگى سامميت بارىسىندا توراعالىق قىتاي تاراپىنا وتەدى.