ەلدىگىمىزدى تانىتار ەتنواۋىل

ەتنواۋىل قالاشىعى 2500 شارشى مەتر اۋماقتى قامتىعان 30-دان استام ساۋلەتىنە ءسانى جارىسقان كيىز ۇيلەردەن قۇرالىپتى. ءبىر سوزبەن ايتقاندا, سامالاداي سامساعان اق­بوز ۇيلەر بايىرعى كوشپەندى قا­­زاق­تىڭ بوزدالادا بوزجۋساندى قۋا­لاپ ەركىن وسكەن ومىرىنەن ەلەس بەرەدى.  كورمەگە كەلگەن شەتەلدىك ءھام وتاندىق قوناقتار اۋەلى قالاشىقتى قورشاعان كونە شاھاردىڭ قامالى ىسپەتتەس قابىرعالاردى تاماشالاي جاعالاپ, ورتاداعى قاقپادان ىشكە ەنەدى. العاشقى 11 ءۇي – شەبەرلەر قالاشىعى. مۇندا اق كۇمىستى قاقتاعان ايتۋلى شەبەرلەر قالبىر-قاپتالى بۇقارا بىلعارىسىمەن سىرىلعان ەر-تۇرماندى اشەكەيلەپ, جۇزىك-سىرعا سەكىلدى ساندىك بۇيىمداردى ارلەۋ ىسىمەن اينالىسىپ جاتىر... سونىمەن قاتار, تەرىدەن جاسالعان كونەكتەر مەن اعاشتان ويىلعان ىدىس-اياق, تۇتىلگەن جۇننەن بوياپ باسىلعان شاعىن تەكەمەتتەرگە كوز سۋارا الاسىز...  قانات كەرەگەسى جاپسارلاسا جارتىلاي اشىق تىگىلگەن ۇيلەردە اۋىسپالى ساۋدا-ساتتىق وتسە, 850 ورىندىق ەتنوميۋزيكل زالىندا 93 كۇن بويى كۇن سايىن كونتسەرت قويىلادى. تاماشالاۋ تەگىن.  ەتنواۋىلدىڭ قاق ورتاسىندا ورنالاسقان كىشى ساۋلەتتىك نىسانداردا – قاراپايىم فۋنكتسيالاردان قۇرالعان لاندشافتى ساۋلەت تۋىندىلارى جانە كوركەمدىك-دەكوراتيۆتىك ەلەمەنتتەر كومپوزيتسيا­سى بوي كوتەرسە, ءداستۇرلى اڭشىلىق سەكتورىندا – سالبۋرىن قۇرۋعا ارنالعان سايات قۇستارى مەن جۇيرىك تازىلاردىڭ تۇرلەرىن, سونداي-اق ارنايى جاساقتالعان ورىندا جامبى اتۋ مەن اسىق اتۋ ونەرىن تاماشالاۋعا, ءتىپتى ءوزىڭىز دە سايىسقا قاتىسۋعا تولىق مۇمكىندىگىڭىز بار.   قالاشىققا ات باسىن بۇرعان قوناقتار كوركەم بەزەندىرىلگەن ءارى قىزمەت كورسەتۋ سەرۆيسى زاماناۋي ۇلگىمەن جاراقتالعان ۇلتتىق اسحانا ورتالىعىنا باس  سۇعادى. مۇندا قازاقتىڭ بايىرعى ۇلتتىق تاعامدارىمەن قاتار قىمىز, شۇبات, قىمىران, ايران-شالاپ سياقتى سۋسىندار دا قوناق كادەسىنە جاراپ جاتىر. وسىنداعى ەتنواۋىل ورنالاسقان اتشاباردا ءبىز ءسوز ەتىپ وتىرعان حا­لىقتىق قۇندىلىقتارمەن قاتار ۇلت­تىق سپورت تۇرلەرىنەن دە ويىن­دار وتكىزۋ جوسپارلانعان ەكەن. مۇندا ات­قا­­رى­لۋعا ءتيىس ءىس-شارالاردى ناقتى­لاي ءتۇسۋ ءۇشىن مادەنيەت جانە سپورت مي­­نيستر­لىگى سپورت جانە دەنەشى­نىق­­تى­رۋ ىستەرى كوميتەتىنىڭ توراعاسى ەل­سيار قاناعاتوۆ مىرزانى سوزگە تارت­تىق.   – ەكسپو كورمەسىنە بايلانىستى جوسپارلانعان سپورتتىق شارالاردىڭ بەتاشارىن ۇلتتىق سپورت ويىندارىمەن اشقالى وتىرمىز. اتاپ ايتار بولساق, 11 ماۋسىم كۇنى وسى «قازانات» اتشابارىندا قازاقستان رەسپۋبليكاسى پرەزيدەنتىنىڭ جۇل­دەسىنە ارنالعان بايگە تۇرلەرىنەن باسەكە  وتەدى. شارانىڭ اشىلۋ سالتاناتىنا دايىندىق ءجۇرىپ جاتىر.  – ءوزىڭىز ايتقانداي, دايىن­دىق شا­­راسى جايلى ناقتىلاي تۇس­­سەڭىز؟ − شەتەلدىك قوناقتار مەن ءوزىمىز­دىڭ كورەرمەندى ۇلتتىق سپورت تۇر­لەرىنىڭ سالتاناتىمەن تانىستىرۋ ءۇشىن الامان شەرۋ وتكىزۋ جوسپاردا تۇر. مۇنداعى باستى ەرەكشەلىك  – شەرۋگە قاتىساتىن بارلىق سپورتشىلار ۇلتتىق ۇلگىدە كيىندىرىلەدى جانە ولاردىڭ اتتارى دا كوركەم كەجىمدەلىپ, ءاربىر سپورت تۇرىنە ساي ناقىشپەن ايشىقتالادى.  ودان كەيىن 25, 15, 7, 1,8 جانە 2,4 شاقىرىمدىق قاشىقتىققا ءارتۇرلى جاستاعى جۇيرىكتەر سايىسسا, 7 شاقىرىمعا جورعالار جارىسى وتەدى. جارىس جەڭىمپازدارىنا تا­عايىندالعان جۇلدە قورىنا ال­ماتى وبلىسى اكىمدىگى مەن «سام­ۇرىق-قازىنا» ۇلتتىق ءال-اۋقات قورى دەمەۋشىلىك جاساپ وتىر.  – جوعارىداعى بايگە تۇر­لەرىنە قاتىساتىن جۇيرىكتەردى تاڭ­داۋ قالاي جۇرگىزىلدى, جارىس­قا بارلىق ءوڭىردىڭ تۇلپارلارى قاتىساتىن بولار؟ – وزدەرىڭىز كورىپ وتىرعانداي, اتشاباردىڭ اينالىم كولەمى وتە تار. سول سەبەپتى, جۇيرىكتەرگە دە شەك­تەۋ قويىلدى. ياعني 25 شا­قى­­رىمدىق الامان بايگەگە ءار وب­لىستان 2 تۇلپار تاڭدالىپ الىن­دى. بىزدەگى الدىن الا دايىن­دال­عان ما­لىمەت بويىنشا الامان بايگەگە – 33, توپ بايگەگە – 35, قۇنان جارىسقا – 35, جورعا جارىس­قا 23 جۇيرىك قاتىسادى دەپ كۇتى­لۋدە. جۇيرىكتەردى ىرىكتەۋ ءىسىن ۇلت­تىق سپورت تۇرلەرى قاۋىم­داس­تىعى مەن جەرگىلىكتى وبلىس­تىق باس­قارمالار اتقاردى. بۇلار­دىڭ سىر­تىندا 1,8 جانە 2,4 شاقى­رىم­دىق ۇشقىر جىلقىلار سايىسىنا باش­قۇرتستان, وسەتيا, قاراشاي-شەر­كەس رەسپۋبليكاسى, وزبەكستان, پول­شادان لىپ ەتپە شاڭ تيمەس تۇل­پارلار قاتىسپاق.    – وسى كۇنى ات جارىسىنان باسقا قانداي ۇلتتىق سپورت ويىن تۇرلەرى كورسەتىلەدى؟ – جارىس ءبىر كۇننىڭ ىشىندە ءوتىپ بىتەدى. بۇدان باسقا, جامبى اتۋدان, اۋدارىسپاقتان, تەڭگە ىلۋدەن, قىز قۋدان, كوكپاردان, ات ۇستىندەگى جىتىتشىلىك ونەر تۇرلەرىنەن كورسە­تىلىمدەر بولادى. سونىمەن قاتار, جينالعان جۇرتشىلىق ات نەمەسە تۇيەگە ءمىنىپ سەرۋەندەي الادى.  – ەكسپو كەزىندە ۇلتتىق سپورت ويىندارى وسىمەن توقتاپ قال­مايتىن بولار؟  – ارينە, مۇنىمەن توقتاپ قالمايمىز. ەكسپو كورمەسى كەزىن­دە ۇلتتىق سپورت تۇرلەرىنەن 3 اي­لىق سپورتتىق شارالار جوسپار­لا­نىپ وتىر. اتاپ ايتار بولساق, كوك­پاردان الەم چەمپيوناتى جا­نە اۋدارىسپاقتان الەم كۋبوگى جو­لىن­داعى جارىستار وتەدى. ءاربىر وب­لىس ەكسپو-عا بايلانىستى وتكى­زەتىن مادەني-سپورتتىق شارالار ايا­سىندا ەكى كۇن بويى وسى اتشا­باردا ۇلتتىق سپورت تۇرلەرىنەن ويىندار كورسەتەتىن بولادى. 

بەكەن قايرات ۇلى, «ەگەمەن قازاقستان»