ادامزاتتىڭ رۋحاني قۇندىلىقتارىن دامىتۋ جانە ساقتاي ءبىلۋ – وسكەلەڭ ۇرپاقتىڭ بورىشى. وسىعان وراي وبلىستىق ىشكى ساياسات باسقارماسىنىڭ باستاماسىمەن «جۇلدىز» بالالار قوعامدىق ۇيىمدارىنىڭ وداعى» قوعامدىق بىرلەستىگىنىڭ جانە وبلىستىق ءبىلىم باسقارماسىنىڭ قولداۋىمەن اتالعان ءىس-شارا ءوز مارەسىنە جەتتى. ەلباسىنىڭ «بولاشاققا كوزقاراس: قوعامدىق سانانى جاڭعىرتۋ» تۇجىرىمداماسى شەڭبەرىندە وتكەن سامميتكە ءبىلىم جانە عىلىم مينيسترلىگى, «نۇر وتان» پارتياسىنىڭ وكىلدەرى, زەرتتەۋشىلەر, بالالار قوعامدىق قوزعالىسىنىڭ جەتەكشىلەرى, مۇگەدەك بالالار اتا-انالارى, پەداگوگتار, ءتۇرلى مەملەكەتتىك جانە قوعامدىق ۇيىمدار وكىلدەرى قاتىستى. ۇيىمداستىرۋشىلاردىڭ ايتۋىنشا, باستى ماقسات – وسكەلەڭ ۇرپاقتىڭ ءوز مۇمكىندىكتەرى مەن شىعارماشىلىق جىگەرىن جانۋ, ولاردىڭ بويىندا ءوز ۇمتىلىستارىن ۇشتاي وتىرىپ, جا-ۋاپكەرشىلىك پەن تولەرانتتىلىقتى, مادەنيەت پەن بىتىمگەرشىلىكتى بويلارىنا سىڭىرە ءبىلۋ. سامميت وتكەن ءۇش كۇن ىشىندە اقمولا وبلىسىنىڭ 30-عا تارتا بالالار ۇيىمدارىنىڭ جەتكىنشەكتەرى ءۇشىن كوپتەگەن شارالار ۇيىمداستىرىلدى. ءىس-شارا اياسىندا وتكەن كورمەگە كەلۋشىلەر يننوۆاتسيالىق جوبالاردى تاماشالاپ, جاستار ۇيىمدارى جەتكەن جەتىستىكتەرمەن تانىستى. سونداي-اق, زاماناۋي تەحنولوگيالار جونىندە شەبەرلىك سىنىپتارى وتكىزىلىپ, عىلىمي-پراكتيكالىق كونفەرەنتسيادا جاستاردىڭ مۇمكىندىكتەرى جان-جاقتى ساراپتالدى, وسكەلەڭ ۇرپاقتى پاتريوتتىققا تاربيەلەۋ بارىسى ءسوز ەتىلدى. سامميت سوڭىندا ۇزدىك بالالار ماراپاتتالدى.
اسقار تۇراپباي ۇلى, «ەگەمەن قازاقستان»
اقمولا وبلىسى