الدىن الا كەلىسىلگەن مەرزىمدە ءبىزدى سەرىكتەستىك باسشىسىنىڭ ءوزى قارسى الدى. ىسىلسىن دەگەن ويمەن ادەيى جاستاردىڭ وزىنە سۇراق قويدىردىم. سول ساتتە ستۋدەنتىم بەردىبەك سافاروۆ: «اعاي, ءسىز وسى ماماندىققا قالاي كەلدىڭىز؟» دەپ سۇراپ ۇلگەردى. ول كۇلىمسىرەي قاراپ: «مەنىڭ نەگىزگى ماماندىعىم قۇرىلىس ينجەنەرى عوي, جامبىل گيدرومەليوراتيۆتىك قۇرىلىس ينستيتۋتىن «قۇرىلىس ينجەنەرى» ماماندىعى بويىنشا بىتىرگەنمىن. ەڭبەك جولىمدى 80-جىلداردىڭ سوڭىندا «قىزىلوردا ءۇي قۇرىلىسى» كومبيناتىندا شەبەر بولىپ باستاعانمىن. 80-جىلداردىڭ سوڭىنداعى ەكونوميكالىق توقىراۋ ماعان دا, مەنىڭ وتباسىما دا ءوز سالقىنىن تيگىزدى. كومبينات جالاقى ورنىنا قۇرىلىس ماتەريالدارىن بەرەتىن, ايلاپ جالاقى الماعان كەزىمىز بولدى. الداعى كۇننەن ءۇمىتتى جاس جىگىتپىز عوي, ۇيلەنىپ وتباسىن قۇرسام قاجەت بولار دەپ جيناعان قۇرىلىس ماتەريالدارىن ازىق-ت ۇلىككە, كۇرىشكە ايىرباستادىق. ايىرباس ساۋدا, بارتەر دەگەننىڭ ءدامىن العاش رەت سول جىلدارى تاتتىق. سول جىلدارى سىر وڭىرىندە وندىرىلەتىن مەحناتى كوپ كۇرىش داقىلىنىڭ بارىنشا تومەن باعالاناتىنىن ءبىلىپ ىشتەي قىنجىلاتىن ەدىك. وسىلايشا بيزنەس دەگەن بەلگىسىز الەمنىڭ ەسىگىنەن ەپتەپ ەنگەنبىز», دەدى ابزال جۇماش ۇلى. وسى ساتتە جانە ءبىر ستۋدەنت: «كومپانيا قالاي قۇرىلدى؟ قانشا ادام بولدى؟» دەپ جەدەلدەتە سۇراعىن قويا باستادى. «جاڭا ايتىپ وتكەنىمدەي سول كەزدە كومپانيانىڭ باسشىسى دا, جۇكشىسى دە ءوزىم بولدىم. ۋاقىت تىعىز, 25-50 كيلو كۇرىش سالىنعان قاپتاردى تاسۋ دا, جەتكىزۋ دە وڭاي ەمەس ەدى, ارينە. بىراق, مەن قالاي دا تابىس تابامىن, اتا-انامدى, باۋىرلارىمدى العا شىعارامىن دەپ تىرىستىم. اتا-انام دەسەم, اۋىلىم ەسكە تۇسەتىن. اۋىلدىڭ كوركەيگەن كەلبەتىن, اتا-انامنىڭ داۋلەتتى تۇرمىسىن كورگىم كەلەتىن. «جالعىز اعاش ورمان ەمەس» دەگەندەي, جانىما باۋىرلارىم مۇرات, مارات سارسەنباەۆتار كەلدى. ءسويتىپ, كومپانيانىڭ ىرگەتاسى 1994 جىلى قالاندى», دەيدى كومپانيا باسشىسى. كۇرىش زاۋىتى دەگەنگە جۇزدەگەن, مىڭداعان ادام ەڭبەك ەتەتىن زاۋىت پا دەسەك, ءبارى جيناقتالعان, جۇيەلەنگەن ءوندىرىس وشاعى ەكەن.تاپ-تۇيناقتاي تازا اۋلا, جەردەن توبەگە دەيىن ۇقىپتى جينالعان كۇرىش سالىنعان قاپتارعا سىرەسكەن قويمالار, كۇرىشى بولەك, كۇرمەگى بولەك, تەك پۋلتپەن باسقارىلىپ تۇراتىن نەمىس, كورەي, قىتاي تەحنولوگياسىمەن جابدىقتالعان زاۋىتىڭىز وسى. ال كەلەسى كەرەمەتكە كوز تويماي قارادىق. ناۋرىزدىڭ قاتقاق قارى سوگىلە باستاعان مەزگىلدە جايناپ تۇرعان باققا كەز بولدىق. بۇل – كومپانيانىڭ گۇل وسىرەتىن جىلىجايلارى ەدى. ىشتە 25-30 گرادۋس تەمپەراتۋرا كورسەتىپ تۇردى. وسى جىلىجايدا وسىرىلگەن گۇلدەر ناعي ءىلياسوۆ اۋىلىنىڭ كوشەلەرىن كومكەرىپ, كوركەمدەپ تۇرادى. كومپانيا ءونىم وندىرۋدەن تاجىريبە جيناقتاي وتىرىپ, الەمنىڭ كۇرىش ءوسىرۋشى ەلدەرىنىڭ تەحنولوگياسىن ءوز وندىرىسىنە قوستى. قازىردە دە باتىستىڭ ياكي نەمىس تەحنولوگياسىنىڭ ىسكە قوسىلۋى ناتيجەسىندە ساعاتىنا 5 توننادان استام كۇرىش اقتاپ, جىلىنا 30-35 مىڭ توننا كۇرىشتى وڭدەپ, سۇرىپتاپ ساۋداعا شىعارۋدا. «ابزال ي ك» سەرىكتەستىگىنىڭ ونىمدەرى الەمدىك ستاندارتتىڭ سۇرانىسىنا جاۋاپ بەرەدى. ابزال ازاماتتىڭ تۋعان اۋىلىن كوركەيتۋ ءۇشىن جاساعان ەڭبەگى حالىقتىڭ شىنايى ريزاشىلىعىن تۋعىزدى. شىلقىعان بايلىق پەن ءسان-سالتاناتتى ءومىر ءسۇرىپ جاتسا دا, قارىپ-قاسەر مەن جەتىم-جەسىرگە قارايلاسپايتىن قايىرسىزدار تولىپ جاتىر ەمەس پە؟ ال ءبىزدىڭ كەيىپكەرىمىز ناعىز «اتىمتاي جومارتتىڭ» ءوزى. ءبىر ءوزى ەكى اۋىلدى بىردەن كوركەيتىپ گۇلدەندىرۋگە ۋاقىتىن دا, قارجىسىن دا اياعان جوق. ابزال ەراليەۆ ءوز ارىپتەستەرى مەن اۋىلداستارىنىڭ ەڭبەگىنە ساي اقى تولەپ, 3 وتباسىنا ءوز قاراجاتىنان باسپانا تۇرعىزىپ بەردى. حالقىنىڭ ريزاشىلىعىن تۋدىرعان تاعى ءبىر قارەكەتى − 2015 جىلى قالانىڭ «اقمەشىت» شاعىن اۋدانىنان كۇمبەزى كوككە جارقىراعان يماندىلىق ءۇيى − مەشىتتىڭ سالىنىپ پايدالانۋعا بەرىلۋىنە مۇرىندىق بولعان دا وسى ابزال ازامات. الەۋمەتتىڭ الەۋەتىن كوتەرۋگە مەيلىنشە مول ۇلەس قوسقانى جانە اۋىلدى اباتتاندىرۋداعى ەرەكشە ەڭبەگى ءۇشىن ابزال ەراليەۆكە «قازاقستاننىڭ ەڭبەك ەرى» اتاعى بەرىلدى. ەڭبەكتىڭ وتەۋى قايتقان دەگەن وسى. قازاقستان بايتاق ەل, بەيبىت وتاننىڭ ءاربىر تاۋى مەن تاسى, سىلدىراپ اققان بۇلاعى, ساعىمداي سوزىلعان سار دالاسى ەرلەردىڭ ەڭبەگىمەن جايناپ, جاسارىپ كەلەدى. كۇرىشتى اتىزداردا كۇنى-ءتۇنى زاماناۋي تەحنيكامەن جۇمىس جاسايتىن كەزەڭ تۋدى. ايتسە دە, اتا كاسىپ ءجۇزى كۇنگە شاعىلىسقان كەتپەندى ارقالاعان اعام ەشمۇرات كۇرىشتىڭ نارقىن كوتەرىپ, باسەكەگە بەل شەشە كىرىسكەن ەڭبەك ەرى ەراليەۆكە سەنەدى. ەگەمەن ەلدىڭ ەڭبەك تورىسى ەراليەۆ ەل ءۇمىتىن اقتادى.
كەنجەگۇل قادىروۆا, س.الجىكوۆ اتىنداعى №144 ورتا مەكتەپتىڭ وقۋ ءىسى جونىندەگى ورىنباسارى, جوعارى ساناتتى تاريح ءپانىنىڭ مۇعالىمى