ءۇشiنشi ايدىڭ ءۇشiنشi جۇلدىزىندا جاپوندار بالدىرعان قىزداردىڭ ادەمi بولىپ ءوسۋiن, بولاشاقتا باقىتتى بولۋىن تiلەيدi. دiني ماڭىزى بار وسى مومونو سەككۋ, ياكي حيناماتسۋري كۇنiنە ارناپ قىز ءوسiرiپ وتىرعان ءار وتباسى ۇيدەگi ارنايى ورىنعا ناۋرىز تۋعانعا دەيiن ەجەلگi حانزادالار مەن حانشايىمدار, سامۋرايلار, ت.ب. ۇلگiسiندەگi ۇلتتىق قۋىرشاقتاردى قويۋ كەرەك.
قۋىرشاقتاردىڭ ورنالاسۋ رەتiنiڭ دە ءمانi بار. جەتi ساتىدان تۇراتىن «قۋىرشاقتار ورداسىنىڭ» ەڭ جوعارعى جاعىندا «اتا قۋىرشاق» پەن «انا قۋىرشاق» ورنالاسادى. ال ەڭ تومەنگi ەكi ساتىعا قىز بالانى قىزىقتىراتىن اينا, شاي دەمدەۋ ءراسiمiنiڭ قۇرالدارى, ينە شانىشقىش, ت.ب. قويىلادى. جالپى, حيناماتسۋري عانا ەمەس, جاپوننىڭ بارلىق ۇلتتىق مەرەكەلەرiنەن ەۋروپالىق نەمەسە باسقا شەت ەلدەن شىققان زاتتى كورمەيسiز. حيناماتسۋري قۋىرشاقتارىنىڭ كەسكiن-كەلبەتi مەن كيiمi, ساقال-مۇرتى مەن شاش ۇلگiسiنە دەيiن جاپوندىق ەكەنiن ايشىقتاپ تۇرادى.
حيناماتسۋري كۇنi وتكەن سوڭ قۋىرشاقتاردى جيناپ تىعىپ قويادى دا, كەلەسi جىلى ناۋرىز تۋاردا قايتا شىعارادى. قۋىرشاقتار ورداسى بەزەندiرiلگەن كۇيi ناۋرىزدىڭ ۇشiنەن كەيiن دە تۇرا بەرەتiن بولسا سول ءۇيدiڭ قىزى وسكەندە وتىرىپ قالادى دەگەن ىرىم بار. ياعني, قۋىرشاقتار ناۋرىزدىڭ ۇشiنە دەيiن عانا تۇرۋ كەرەك. ودان كەيiن نەعۇرلىم ۇزاعىراق جينالماي تۇرسا قىزدىڭ بولاشاقتا تەڭiن تابۋى سوعۇرلىم كەشەۋiلدەيدi دەپ ويلايدى جاپوندار.
مۋشيانينگيوۋ – باتىر قۋىرشاق. ەر بالالارعا ارنالعان بەسiنشi ايدىڭ بەسiنشi جۇلدىزىندا اتاپ وتiلەتiن عۇرىپتىق مەرەكە وسىنداي اتقا يە. بۇل كۇنى ۇل تاربيەلەپ وتىرعان جاپوندار بالاسى بولاشاقتا سامۋرايداي ەرجۇرەك بولۋى ءۇشiن راسىمدىك عۇرىپتارعا قاتىسادى.
شارافات جىلقىباەۆا