قازاقستان فۋتبول فەدەراتسياسىنىڭ پرەزيدەنتى سەيىلدا بايشاقوۆ 10 ماۋسىم كۇنى الماتى ورتالىق ستاديونىندا وتەتىن فۋتبولدان 2018 جىلعى الەم چەمپيوناتىنىڭ ىرىكتەۋ تۋرنيرىندەگى قازاقستان مەن دانيا قۇرامالارى اراسىنداعى ماڭىزدى كەزدەسۋگە جانكۇيەرلەردى شاقىردى.
ء«بىزدىڭ فۋتبولشىلار ءاچ-2018 ىرىكتەۋ كەزەڭىندە ءوز الاڭىندا رۋمىنيا جانە پولشا قۇرامالارىن قابىلداپ, لايىقتى قارسىلىق كورسەتتى. قازاقستانعا كەلگەن كەز كەلگەن ەۋروپالىق قارسىلاس ءبىزدىڭ قۇرامادان قايمىعاتىنى انىق. ويتكەنى, قازاقستان قۇراماسىندا اۋا-رايىنىڭ ىستىعى مەن سۋىعىنا قاراماستان, ۇنەمى قولداۋ كورسەتەتىن ناعىز جانكۇيەرلەرى بار!
دانيا قۇراماسىنىڭ الەۋەتىن بارشا الەم بىلەدى. ونىڭ قۇرامىندا كريستيان ەريكسەن, كاسپەر شمەيحەل, سيمون كياەر, كاسپەر دولبەرگ, ريزا دۋرميسي جانە باسقا دا مىقتى ويىنشىلار بار.
بارلىق فۋتبول جانكۇيەرلەرىن 10 ماۋسىم كۇنى الماتىنىڭ ورتالىق ستاديونىندا وتەتىن قازاقستان مەن دانيا قۇرامالارىنىڭ اراسىنداعى ويىنعا شاقىرامىن. ءبىزدىڭ قۇراماعا قولداۋ كورسەتىڭىزدەر!» دەيدى قفف پرەزيدەنتى سەيىلدا بايشاقوۆ.