...ءستاليننىڭ سولاقاي ساياساتى سالدارىنان نەبىر تەكتىلەرىمىز قارا جەر قويناۋىنا ەرتە ءتۇستى. اسىلداردىڭ ارداقتى جارلارى دا تاعدىردىڭ مەحناتىن تارتىپ, ورىمدەي بالالارىن ولىمگە ءوز قولدارىمەن اتتاندىرعانىنا نازالاندى. بۇعان قارسى شىعار قايران دا جوق ەدى-اۋ. قازاق تاريحىندا «ەجوۆ قىرعىنى» دەگەن اتپەن قالار سويقاننىڭ ءوزى ساناعا سالماق سالادى. ال الجير-دەگى قازاق قاسىرەتىن تىلگە تيەك ەتۋدىڭ ءوزى اۋىر. كورنەكتى اقىن عالىم جايلىبايدىڭ «قارا ورامال» اتتى پوەما-رەكۆيەمى وسى اتالعان قاسىرەتتەردى ارقالاعان شىعارما.
اتالمىش تۋىندى جەلىسىندە ساحنالانعان قويىلىم جازىقسىز جالا سالدارىنان جازالانعان انا مەن تۋعانىنان جىراقتاعان بالا تاعدىرىن كوز الدىڭا الىپ كەلەدى. نەبىر جان توزگىسىز زورلىق-زومبىلىقتاردى باستان وتكەرگەن, اۋىر ەڭبەككە جەگىلگەن قايران انالاردىڭ ءومىرى جانارعا جاس ۇيىرەدى.
ءبىر قاراعاندا, ء«دۇر سىلكىنتەر دۇنيەنىڭ دۇرمەگى اۋىر, كۇندە دابىر بۇل تىرلىك, كۇندە داۋىل. الاش جۇرتى ازاپتىڭ ارالى ما – قاراعاندى لاگەرى, بۇل نە لاگەر؟..» – دەگەن جولدارمەن باستالاتىن پوەما-رەكۆيەم ساحنالاۋعا كەلمەيتىن, ءتىلى اۋىر, ءيىرىمى بولەك دۇنيە سەكىلدى كورىنەدى. الايدا, ساحنا مايتالماندارىنىڭ تاباندى ەڭبەگىنىڭ ناتيجەسىندە ءارى وقۋشىلاردىڭ تالانتى مەن ىزدەنىمپازدىعىنىڭ ارقاسىندا ويداعىداي ساحنالانىپ, كورەرمەننىڭ كوڭىلىن تولقىتتى. بۇل رەتتە, قويىلىمنىڭ سۋرەتشىسى سايات ءجۇمادىل مەن دىبىس رەجيسسەرى قارلىعاش يساەۆانىڭ ەڭبەگىن دە اتاپ وتكەن ءجون.
اسىل سۇلتانعازى