«نۇرلى جەر» باعدارلاماسى بويىنشا سۋبسيديالاۋدان كەيىن اقىرعى قارىز الۋشى ءۇشىن سىياقى مولشەرلەمەسى 10 % -دى قۇراۋى ءتيىس. قازاقستان رەسپۋبليكاسى ۇلتتىق بانكىنىڭ بازالىق مولشەرلەمەسى تومەندەگەن كەزدە سۋبسيديالار مولشەرى جاڭادان بەرىلەتىن قارىزدار بويىنشا قىسقارتىلادى, سونىمەن قاتار ازاماتتارعا 5 پايىزدىق جىلدىق ۇستەمەمەن نەسيە ۇسىنا الادى.
سۋبسيديالاۋ 10 جىلعا دەيىن 30% العاشقى جارنا كولەمى تومەندەتىلىپ بەرىلەدى. باعدارلاما اياسىندا سۋبسيديالار سوماسىن شەكتەۋ قويىلدى. الماتى مەن استاناداعى سۋبسيديالانعان نەسيەنىڭ ماكسيمۋم باعاسى -20 ملن تەڭگەنى قۇراسا, وبلىستاردا -15 ملن تەڭگەنى قۇرايدى.
«نۇرلى جەر» باعدارلاماسى يپوتەكالىق نارىقتىڭ جاندانۋىنا باعىتتالعان,-دەيدى قيك توراعاسى ءادىل مۇحامەدجانوۆ. بۇگىنگى تاڭدا تۇرعىن ءۇي ساتىپ الۋعا بانكتەردىڭ تاريفتەرى جوعارى, مەملەكەتىمىزدىڭ باستى ماقساتى – باسپانانى قولجەتىمدى ەتۋ.
قازىرگى ۋاقىتتا ەلىمىزدىڭ بانكتەرىمەن وسى باعدارلاماعا قاتىستى كەلىسسوزدەر جۇرگىزىلۋدە. ءبىر جاعىنان قيك ءدال قازىرگى ۋاقىتتا 7 بانكپەن – «بانك تسەنتركرەديت» اق, «اتفبانك» اق, «سبەربانك» اق, «Bank RBK» اق, «تسەسنابانك» اق, «تۇرعىنۇيقۇرىلىسجيناقبانكى» اق. «تەنگريبانك» اق كەلىسسوزگە قول قويدى.
لۋنارا امانعاليەۆا