قايرات ايتۋعانوۆتىڭ مالىمەتىنشە, بۇگىنگى تاڭدا كوكتەمگى-دالا جۇمىستارى 85%-عا اياقتالعان. كوكتەمنىڭ كەش كەلۋىنە قاراماستان, جۇمىس قارقىنى وتكەن جىلعى دەڭگەيمەن تەڭ, ال جەكەلەگەن وڭىرلەر بويىنشا 2016 جىلعى دەڭگەيدەن جوعارى.
«ناتيجەسىندە, تالاپ ەتىلەتىن ءداندى-داقىلدار اۋدانى 932 مىڭ گەكتارعا كەڭەيۋدە. سوڭعى جىلدارى استىق ساپاسىنىڭ جىل سايىن تومەندەۋى بايقالادى. ءبىرىنشى, ءۇشىنشى كلاسقا جاتاتىن استىق كولەمى 2011 جىلى - 88%, 2016 جىلى 45% قۇراعان, وسى رەتتە 4 جانە 5 كلاسقا جاتاتىن تومەن ساپالى استىق كولەمى كەرىسىنشە 2011 جىلعى 10%-دان 2016 جىلعى 41%-عا دەيىن ۇلعايعان», - دەدى ءبىرىنشى ۆيتسە-مينيستر.
وسىنى ەسكەرە وتىرا, مينيسترلىك بىرقاتار شارالار قابىلدادى.
«تۇقىم شارۋاشىلىعىن سۋبسيديالاۋعا 7,7 ملن تەڭگە كوزدەلدى, بۇل 2016 جىلمەن سالىستىرعاندا 3,2 ەسە ارتىق. وسى رەتتە, اكىمدىكتەر باستاپقىدا 3,7 ملرد تەڭگە بولگەن بولاتىن, بۇل قاجەتتى قاراجاتتان 56%-عا از. اكىمدىكتەرمەن جۇمىس جۇرگىزۋ قورىتىندىلارى بويىنشا قوسىمشا 4 ملرد تەڭگە ءبولىندى. بۇل اعىمداعى جىلى ساپالى تۇقىم سەبۋ كولەمىن 2 ەسە ۇلعايتۋعا مۇمكىندىك بەردى. ينۆەست-سۋبسيديالاۋ باعدارلاماسى تۇقىم شارۋاشىلىعىن دامىتۋ ءۇشىن زاماناۋي تۇقىم ءوسىرۋ تەحنيكاسى ەنگىزىلدى», - دەپ اتاپ وتتى سپيكەر.
قايرات ايتۋعانوۆتىڭ ايتۋىنشا, تاۋار وندىرۋشىلەردى ساپالى تۇقىم پايدالانۋعا مىندەتتەيتىن زاڭنامالىق نورما جانە وسى تالاپتاردى ساقتاماعانى ءۇشىن اكىمشىلىك جاۋاپكەرشىلىك ەنگىزۋ كوزدەلىپ وتىر.
بۇدان بولەك, تىڭايتقىشتاردى پايدالانۋعا ىنتالاندىرۋ ماقساتىندا بىرقاتار تاسىلدەر قابىلداندى, ولار تىڭايتقىشتاردى پايدالانۋ كولەمىن ۇلعايتۋعا مۇمكىندىك بەردى.
«تىڭايتقىشتاردى سۋبسيديالاۋعا 13 ملرد تەڭگە ءبولىندى, بۇل 2016 جىلمەن سالىستىرعاندا 2 ملرد تەڭگەگە ارتىق. ناتيجەسىندە, تىڭايتقىشتاردى پايدالانۋ كۇرت ارتتى. 407 مىڭ تونناعا ءوتىنىم بەرىلدى, بۇل 2016 جىلمەن سالىستىرعاندا 1,5 ەسە ارتىق. سۋبسيديالانعان تىڭايتقىش تۇرلەرى 2016 جىلعى 85-تەن 2017 جىلعى 161-گە دەيىن ءوستى. بۇگىندە 200 مىڭ توننا الىندى», - دەدى ق. ايتۋعانوۆ.
سونداي-اق, بۇگىنگى كۇنى ەگىس القاپتارىن ءارتاراپتاندىرۋ جۇمىسى جۇرگىزىلىپ جاتىر. ول ءۇشىن مينيسترلىكتەر مەن اكىمدىكتەر اراسىندا 2021 جىلعا دەيىنگى مەموراندۋمدارعا قول قويىلدى. ناتيجەسىندە, تالاپ ەتىلەتىن ءداندى-داقىلدار اۋدانى كەڭەيۋدە.