«عالىمجاننىڭ بۇل ساپارىنىڭ ماقساتى – ەلىمىزدە وتكىزىلگەلى جاتقان حالىقارالىق ەكسپو كورمەسىن جۇرتشىلىققا ناسيحاتتاۋ. اۋەلى وسكەمەننەن سەمەيگە جەتىپ, ودان ءارى كەرەكۋ قالاسىنا ايالداعان سوڭ, ەرەيمەنتاۋ ارقىلى استاناعا تابان تىرەيدى», – دەگەن ول ءبىر كولىكپەن جۇبايىنىڭ ارتىنان كەلە جاتقاندىقتارىن, وزدەرىمەن ءبىر دارىگەردى الا شىققاندىقتارىن ايتتى. بۇل ساپارعا ەشقانداي ارنايى مەكەمەلەردىڭ قاتىسىنسىز, ءوز ەرىكتەرىمەن, تۋعان-تۋىس, جولداس-جورالارىنىڭ كومەگىمەن اتتانىپ بارا جاتقاندىقتارىن, «بۇگىن مىندا قونامىز», «ەرتەڭ اندا قونامىز» دەپ الدىن الا جوسپار قۇرماعاندارىن دا جەتكىزدى. 27 مامىر كۇنى حابارلاسقانىمىزدا, ەركەگۇل عالىمجاننىڭ 26 مامىر كۇنى 70 شاقىرىمدى ءجۇرىپ ءوتىپ, گلۋبوكوە اۋدانىنداعى گاگارينو اۋىلىنا قونىپ, جولعا شىققانىن, بۇل كۇنى بۇلاق اۋىلىنا تۇنەپ, سەمەيگە 29 مامىر كۇنى جەتۋدى جوسپارلاپ وتىرعانىن تىلگە تيەك ەتتى. «تۇندە جول ۇستىندە تۇنەسەك دەپ وزىمىزبەن بىرگە شاتىر الا شىققانبىز. بىراق تۇرعىندار ءبىزدىڭ كەلە جاتقانىمىزدى الدىن الا ءبىلىپ, تەلەفون شالىپ, ء«بىزدىڭ ۇيگە قونىڭدار» دەپ قوناقجايلىلىق تانىتىپ جاتىر. مۇنداي كەڭپەيىل ازاماتتارعا العىستان باسقا ايتارىمىز جوق», – دەيدى ول. ەركەگۇل مۇقياتقىزى عالىمجاننىڭ كۇندەلىكتى جۇگىرۋ, تىنىعۋ ءتارتىبىن دە ايتىپ بەردى. ونىڭ ايتۋىنشا, جۇبايى تاڭەرتەڭ ساعات 6-دا تۇرىپ, 6:30-عا دەيىن تاڭعى اسىن ءىشىپ, ساعات 7-دەن جۇگىرۋدى باستاپ, ءبىر ساعات جۇگىرىپ, 10 مينۋت تىنىعىپ الادى ەكەن. ءبىر كۇنگى جۇگىرۋ مەجەسى – 8 ساعات, جۇگىرۋ ۇزاقتىعى – 60-70 شاقىرىم. قازىر استاناعا جاياۋ جول تارتىپ بارا جاتقان جىگىتتى جولاي كۇتىپ الىپ, اس-سۋ ۇسىنىپ, قۇدايى قوناق ەتۋگە نيەتتى ازاماتتاردىڭ 87789262622 تەلەفونىنا حابارلاسۋلارىنا بولادى.
ازامات قاسىم,
«ەگەمەن قازاقستان»
شىعىس قازاقستان وبلىسى