قىزىلوردا وبلىسىنا شۆەتسيا كورولدىگىنىڭ قر توتەنشە جانە وكىلەتتى ەلشىسى كريستيان كاميلل جانە فينليانديا رەسپۋبليكاسىنىڭ قر توتەنشە جانە وكىلەتتى ەلشىسى يلككا رايسانەن جۇمىس ساپارىمەن كەلدى. ەلشىلەر ايماقتاعى بىرقاتار وندىرىستىك نىسانداردى ارالاپ, قىزىلوردا قالاسىنىڭ سول جاق جاعالاۋ قۇرىلىسى جوباسىمەن تانىسىپ, ايماق باسشىسىمەن كەزدەستى.
قىزىلوردا وبلىسىنىڭ اكىمى ق.كوشەرباەۆپەن كەزدەسۋ بارىسىندا ءوڭىردىڭ ينۆەستيتسيالىق الەۋەتى مەن ىنتىماقتاستىقتىڭ پەرسپەكتيۆتى باعىتتارى تۋرالى اڭگىمە بولدى. ق.كوشەرباەۆ شەتەلدىك ينۆەستورلارعا ۇسىنىلاتىن پرەفەرەنتسيالار مەن جەڭىلدىكتەر تۋرالى ايتىپ بەردى.
ء«بىز ارقاشاندا شەتەلدىك ينۆەستورلارمەن جانە قارجى ۇيىمدارىمەن ىنتىماقتاستىق بايلانىس ورناتۋعا ىنتالىمىز. ينۆەستوردىڭ قوسقان ۇلەسى ناقتى ءىس-قيمىلمەن, اتاپ ايتقاندا ءوندىرىس, ەڭبەكپەن قامتۋ جانە جۇمىسشىلاردى الەۋمەتتىك قورعاۋ شارالارى ارقىلى باعالانادى», دەپ اتاپ ءوتتى وبلىس اكىمى.
سونىمەن قاتار, وسى كۇنى ەلشىلەر ينۆەستيتسيالىق ىنتىماقتاستىقتى دامىتۋ جونىندەگى جيىنعا قاتىسىپ, قىزىلوردانىڭ كورىكتى جەرلەرىن ارالادى.