قىزىلوردادا مۇمكىندىگى شەكتەۋلى كاسىپكەرلەر اراسىندا فورۋم ءوتتى

وعان  وبلىستىق ءماسليحات دەپۋتاتتارى, مەملەكەتتىك مەكەمەلەر, قارجى ينستيتۋتتارىنىڭ, قوعامدىق بىرلەستىكتەردىڭ جانە  بيزنەس وكىلدەرى قاتىستى. فورۋمنىڭ ماقساتى –  مۇگەدەكتىككە دۋشار بولعان ادامداردىڭ تابىستى بيزنەسىن, ولاردىڭ كاسىپكەرلىك قىزمەتتەرىن مۇمكىندىگى شەكتەۋلى ازاماتتار مەن جالپى ايماق تۇرعىندارى اراسىندا كەڭىنەن  ناسيحاتتاۋ  بولىپ تابىلادى. فورۋم مىندەتتەرى:  -مۇمكىندىگى شەكتەۋلى كاسىپكەرلەرگە ماقساتتى دەمەۋشىلىك كومەك كورسەتۋدە بيزنەستىڭ, مەملەكەتتىك ورگانداردىڭ, تابىستى كاسىپكەرلەر مەن قاراپايىم ازاماتتاردىڭ  مۇمكىندىكتەرىن  پايدالانۋ; - مۇگەدەكتەرگە العاشقى قوماقتى كاپيتالسىز-اق ءوز ءىسىن اشۋعا بولاتىنىن كورسەتۋ, تابىس پەن جۇمىسپەن قامتۋدى قامتاماسىز ەتۋ - مۇمكىندىگى شەكتەۋلى جاندار اراسىندا كاسىپكەرلىكتى دامىتۋ ءۇشىن قولايلى جاعداي جاساۋ; - مۇمكىندىگى شەكتەۋلى تۇلعالاردىڭ ىقتيمال ينۆەستورلارمەن جانە اتقارۋشى ورگان وكىلدەرىمەن ءوزارا ءىس-قيمىلى; - تابىستى كاسىپكەرلەردىڭ تاجىريبەسىمەن الماسۋ, بيزنەس جۇرگىزۋدە تالىمگەرلەردىڭ كومەگىنە سۇيەنۋ; - جالپىعا بىردەي  ەڭبەك قوعامىن قالىپتاستىرۋ. قىزىلوردا وبلىسىنىڭ اكىمى قىرىمبەك كوشەرباەۆ ء وز سوزىندە «دامۋ» كاسىپكەرلىكتى دامىتۋ قورى» اق-نىڭ «دامۋ-ايماقتار» باعدارلاماسى بويىنشا شاعىن جانە ورتا كاسىپكەرلىكتى قارجىلاندىرۋ ءۇشىن 1,4 ملرد تەڭگەگە كەلىسىمگە قول قويىلعانىن جانە  وبلىس كاسىپكەرلەرى بەس جىلعا 8,5 پايىزبەن جەڭىلدەتىلگەن نەسيە الا الاتىنىن اتاپ ءوتتى. سونداي-اق, بارلىق كاسىپكەرلەردى وسى باعىتتا ىسكە اسىرىلىپ جاتقان باعدارلامالارعا بەلسەندى قاتىسۋعا شاقىردى.  -مۇمكىندىگى شەكتەۋلى كاسىپكەرلەردىڭ قىزمەتى بارلىعىنا, اسىرەسە تەپسە تەمىر ۇزەتىن, بىراق  ماسىلدىق كوزقاراستان ارىلا الماي جۇرگەن جاستارعا ۇلگى بولۋى قاجەت,-دەدى ق.كوشەرباەۆ.   فورۋم بارىسىندا  مۇگەدەك كاسىپكەرلەردىڭ تاۋارلار مەن قىزمەتتەرىنىڭ جارمەڭكەسى ۇيىمداستىرىلىپ, تابىستى جوبالاردىڭ تۇساۋكەسەرلەرى جاسالدى. وتكىر ماسەلەلەر بويىنشا ساراپشىلاردان سالىقتىق كەڭەستەر,  مۇگەدەكتىگى بار تابىستى كاسىپكەردىڭ شەبەرلىك-كلاسى جانە جۇمىسقا ورنالاسۋ بويىنشا ساراپشىلار كەڭەستەرى مەن «دوڭگەلەس ۇستەل»  ۇيىمداستىرىلدى. فورۋمدا مۇمكىندىگى شەكتەۋلى  30 كاسىپكەرگە وبلىس اكىمىنىڭ العىس حاتتارى تاپسىرىلدى.