كەنشىلەر, مەتاللۋرگتەر, ەنەرگەتيكتەر جانە وزگە دە ماماندىق يەلەرى سۋ توعاندارىنىڭ جاعاجاي اۋماقتارىن تازالادى. اقتوبە, قاراعاندى, پاۆلودار, قوستاناي وبلىستارى مەن استانادا شاباقتاردى سۋعا جىبەردى.
ەلوردالىق بەلسەندىلەر ۆياچەسلاۆ سۋ قويماسىنا بارىپ, جاعاجايىن تۇرمىستىق قالدىقتاردان ارىلتتى جانە تۇقى مەن باسقا دا بالىق تۇرلەرىنىڭ 70 مىڭ شاباعىن سۋعا جىبەردى. تىزە بۇگىپ دەمالاتىن ورىندىقتار مەن قورشاعان ورتاعا قامقورلىقپەن قاراۋعا شاقىراتىن اقپاراتتىق تاقتايشالار ورناتىلدى.
- «ەكولوگيالىق دەسانت ERG» اكتسياسىن وتكىزۋدە ءبىز قازاقستان سۋ قويمالارىنا كەلەتىن بارلىق تۇرعىنداردى قورشاعان ورتانى ايالاۋعا شاقىرامىز. ويتكەنى تابيعاتتى ساقتاۋ اربىرىمىزدەن باستالادى. ەۋرازيالىق توپ تازا مەملەكەت ۇرانىن ۇستانادى. جاعىمدى قورشاعان ورتا قالىپتاستىرۋ جاۋاپكەرشىلىگى بارلىق ايماقتاردا ورنالاسقان ءبىزدىڭ كومپانيانىڭ تۇراقتى دامۋىنىڭ نەگىزى بولىپ تابىلادى. ءبىز ءومىر ءسۇرۋ ساپاسىن جانە ادامداردىڭ دەنساۋلىعىن جاقسارتۋعا ۇلەس قوسساق دەيمىز, - دەيدى ەۋرازيالىق توپتىڭ ءوندىرىس بويىنشا باسقارما توراعاسىنىڭ ورىنباسارى رومان دەنيسكين.