«جاۋجۇرەك» دەپ اتالاتىن تاعام ءىرى قارا مالدىڭ جۇرەگىنەن دايىندالادى. «ەرتەدە جاۋعا اتتانىپ بارا جاتقان ەر ازاماتتارعا انالارىمىز وسى استى ازىرلەپ بەرگەن, - دەيدى گۇلجان شاكىموۆا. – قۇنارلى, تويىمدى تاعام, ءارى ۇزاق ساقتالادى. ادامعا كۇش-قايرات بەرەدى. «جاۋجۇرەكتى» جاساۋ ءۇشىن سيىردىڭ نەمەسە جىلقىنىڭ جۇرەگىنە ءتۇرلى دامدەۋىشتەر قوسىلادى».
يندەر اۋدانىنداعى بالالار شىعارماشىلىعى ورتالىعىندا ەڭبەك ەتەتىن گۇلجان شاكىموۆا قازاقتىڭ ۇلتتىق تاعامدارىنىڭ سان ءتۇرىن ءدامدى دايىندايدى. «وكىنىشتىسى, ۇلتتىق اس-اۋقاتىمىزدىڭ كەيبىر تۇرلەرى ۇمىتىلىپ بارادى. تازا, تابيعي ونىمدەردەن دايىندالاتىن ۇلتتىق تاعامدار اعزادا جاقسى قورىتىلادى, دەنساۋلىققا پايداسى زور», - دەيدى ول. اسپاز ءوزى دايىنداعان «جاۋجۇرەك» «ەكسپو-2017» كورمەسىنە كەلۋشىلەردىڭ كوڭىلدەرىنەن شىعاتىنىنا سەنىمدى.
باقىتگۇل باباش,
«ەگەمەن قازاقستان»
اتىراۋ