جامبىل وبلىستىق قورعانىس ىستەرى جونىندەگى دەپارتامەنتى مەن وبلىستىق دەنە شىنىقتىرۋ جانە سپورت باسقارماسىنىڭ ۇيىمداستىرۋىمەن, تاراز قالاسىندا حالىق قاھارمانى, ارميا گەنەرالى ساعادات نۇرماعامبەتوۆ اتىنداعى وبلىستىق سپارتاكيادا ءوتتى. سپارتاكيادادا شاعىن فۋتبول, ۆولەيبول, ەستافەتا سىندى سپورتتىڭ ءۇش ءتۇرى قامتىلدى.
قورعانىس ىستەرى جونىندەگى ءبولىم قىزمەتكەرلەرi اراسىندا بۇقارالىق سپورتتى دامىتا وتىرىپ, دەنە شىنىقتىرۋ جانە سپورتپەن جۇيەلi تۇردە اينالىسۋعا تارتۋ, سونداي-اق تۋعان ەل تۇلعالارىن ەستە ساقتاۋ ماقساتىنداعى شاراعا تاراز قالاسى مەن اۋداندار بويىنشا قورعانىس ىستەرى جونىندەگى بولىمدەردىڭ جانە وبلىستىق دەپارتامەنتتىڭ قۇراما كوماندالارىنان 228 سپورتشى قاتىستى. ءاربىر كوماندا ءوز مۇمكىندىگىنشە باق سىناسىپ, ونەر كورسەتتى. جالپىكوماندالىق ەسەپ بويىنشا, ت.رىسقۇلوۆ اۋدانى ءبىرىنشى ورىندى جەڭىپ الدى. قاراتاۋ قالاسى ەكىنشى ورىندى يەلەنسە, ءۇشىنشى ورىندى تاراز قالاسى ەنشىلەدى. وبلىستىڭ اۋداندارىنان كەلگەن قورعانىس ىستەرى ءبولىمىنىڭ قىزمەتكەرلەرى باتىر اتىنداعى شاراعا اتسالىستى.
حاميت ەسامان,
«ەگەمەن قازاقستان»
جامبىل وبلىسى