وڭتۇستىك قازاقستاننىڭ تاۋار وندىرۋشىلەرىن قولداۋ جانە ولاردى حالىققا كەڭىنەن تانىستىرۋدى ماقسات تۇتقان شارادا كۇنگەيدە وندىرىلەتىن تاماق, فارماتسەۆتيكا, ماشينا جاساۋ, حيميا, قۇرىلىس سالاسىنا قاتىستى 200-دەن استام تاۋار ءوندىرۋشى قاتىستى. كورمە-جارمەڭكەنىڭ اشىلۋ راسىمىنە وبلىس اكىمىنىڭ ورىنباسارى باۋىرجان جامالوۆ قاتىسىپ, كاسىپكەرلەرگە ساتتىلىك تىلەدى. ءىس-شارادا بوس ورىندار جارمەڭكەسى دە قاتار وتكىزىلدى. وڭتۇستىكتىڭ تاۋار وندىرۋشىلەرى تەك ءوز تاۋارلارىن ۇسىنىپ قانا قويماي, شارا كەلۋشىلەرىمەن بوس ورىندار تۋرالى اقپاراتپەن ءبولىسىپ, قىزىعۋشىلىق تانىتقاندارمەن اڭگىمەلەستى. بۇل ايماقتاعى جۇمىسسىزدار مەن وقۋدى جاڭا بىتىرگەن تۇلەكتەرگە وڭىردەگى كومپانيالارمەن تانىسىپ, وزدەرىنە تۇراقتى جۇمىس ورىندارىن تابۋعا زور مۇمكىندىك بولدى. بۇگىنگى تاڭدا ءاربىر ەكىنشى كاسىپورىنعا وفيس-مەنەدجەرلەردەن باستاپ, ينجەنەر-تەحنولوگ, دانەكەرلەۋشى سىندى ءتۇرلى مامان يەلەرى قاجەت. سونداي-اق, اتالعان شارا بارىسىندا «قازاقستاننىڭ ۇزدىك تاۋارى» اتتى وڭىرلىك بايقاۋ وتكىزىلۋدە. وعان وڭتۇستىكتىڭ باستاۋشى جانە بەلگىلى وتاندىق تاۋار وندىرۋشىلەرى قاتىسىپ جاتىر. ولاردىڭ ىشىندە ۆيزيت», «راۋان», «شح گاۋحار», «امانگەلدى», «لادۋشكي», «Azala», «وترار گرۋپپ» سياقتى تانىمال كومپانيالار بار. ساراپشى كوميسسيا وكىلدەرى ەكسپوزيتسيالاردىڭ بارلىعىن قاراپ, بايقاۋ قاتىسۋشىلارىن كەلەسى 3 اتالىم - «حالىق ءۇشىن ۇزدىك تاۋار», «وندىرىستىك باعىتتاعى ۇزدىك تاۋار» جانە «ۇزدىك ازىق-ت ۇلىكتىك تاۋار» نوميناتسيالارى بويىنشا ماراپاتتايدى. كونكۋرسقا قاتىسۋشىلاردى باقىلاۋ كەزىندە الدىمەن تاۋاردىڭ ساپاسى مەن باسەكەگە قابىلەتتىلىگى ەسكەرىلەتىن بولادى. سونىمەن قاتار, شارا بارىسىندا وڭىرلىك نوميناتسيالار بويىنشا - «حالىقتىڭ تاڭداۋى», «جىل سەرپىنى», «جىل برەندى», «الەۋمەتتىك ماڭىزدى ستارتاپ» اتاعىمەن ەڭ ۇزدىك كومپانيالار انىقتالادى. «قازاقستاننىڭ ۇزدىك تاۋارى» كورمەسىنىڭ جەڭىمپازدارى سالتاناتتى تۇردە باعالى سىيلىقتارمەن ماراپاتتالادى. كونكۋرستىڭ جەڭىمپازدارى استانادا وتكىزىلەتىن رەسپۋبليكالىق «قازاقستاننىڭ ۇزدىك تاۋارى» كورمە-كونكۋرسىنا قاتىسۋعا جولداما الادى. ەكى كۇنگە ۇلاساتىن كورمە-جارمەڭكەدە قاتىسۋشىلارعا سەمينارلار, ويىن-ساۋىق باعدارلامالارى مەن سىيلىقتار تابىستالادى.
بۇگىن شىمكەنتتەگى «كورمە» ورتالىعىندا «ONTUSTIK ونىمدەرى-2017» كورمە-جارمەڭكەسى باستالدى, دەپ حابارلايدى وڭتۇستىك قازاقستان وبلىسى اكىمىنىڭ ءباسپاسوز قىزمەتى.