سولتۇستىك قازاقستان يمامى رامازان ايىنداعى ساۋاپتى ءىس-شارالاردى ايتتى

27 مامىردا بارشا مۇسىلمان قاۋىمى ءۇشىن قاسيەتتى اي باستالادى. جاماعات 29 كۇن بويى اللاتاعالاعا قۇلشىلىق ەتىپ, قايىرىمدىلىق امالدارىن وتەيدى.  «وسى كۇندەرى وڭىردە جۇمىس ىستەيتىن 70-تەن استام مەشىتتەردە قۇتپان نامازىنان كەيىن تاۋارىق نامازى قوسا وقىلادى. تۇركيادان ارنايى ءۇش قاريلار شاقىرتىلدى. ءوزىمىز دايىنداعان 4 قاريىمىز جانە بار. جىلداعى ءداستۇر بويىنشا ورازانىڭ العاشقى كۇنىندە وبلىستىق «قىزىلجار» ورتالىق مەشىتىندە 500 ادامعا داستارحان جايىلىپ, اۋىزاشار بەرىلەدى. بۇدان بولەك, مۇندا تاجىك, تۇرىك, اۋعان, تاعى باسقا 8 دياسپورانىڭ وكىلدەرى دە ساۋاپتى شارالار اتقارادى. ول ءۇشىن اللانىڭ ءۇيى جانىنان قوسىمشا ەكى كيىز ءۇي تىگىلەدى», – دەدى كەنجەتاي قاجى.  يمام تابيعي سۋ تاسقىنىنان زارداپ شەككەندەرگە اقشالاي, زاتتاي قولداۋ كورسەتىلگەنىن ايتا كەلىپ, ساۋابى مول قاسيەتتى ايدا قايىرىمدىلىق اكتسيالارى جالعاساتىنىن, ءبىرىنشى كەزەكتە جەتىم-جەسىرلەر, جالعىزىلىكتى قارتتار, كوپ بالالى وتباسىلار قامتىلاتىنىن جەتكىزلى.  «ون ەكى ايدىڭ سۇلتانى سانالاتىن قاسيەتتى رامازاندا كاسىپكەرلەر مەن داۋلەتتى ازاماتتار قازاقستان مۇسىلماندارى ءدىني باسقارماسىنىڭ قۇداي استار بەرۋ, اۋىزاشارلار ۇيىمداستىرۋ, رۋحاني كەشتەر وتكىزۋ, ءدىني-ۇلتتىق راسىمدەردى ناسيحاتتاۋ, تاعى باسقا ۇسىنىستارعا قىزۋ ءۇن قوسىپ وتىر», – دەدى ۋاكىل يمام.  ءومىر ەسقالي.  «ەگەمەن قازاقستان».  سولتۇستىك قازاقستان وبلىسى.