كەشە پرەمەر-مينيستر باقىتجان ساعىنتاەۆ «تسيفرلى قازاقستان» مەملەكەتتىك باعدارلاماسىنىڭ جوباسى ماسەلەلەرى جونىندە كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
مەملەكەت باسشىسى ن.نازارباەۆ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋىن ىسكە اسىرۋ اياسىندا ۇكىمەتكە ەكونوميكانى تەحنولوگيالىق جاڭعىرتۋ جۇمىستارىن جىلدامداتۋدى, سونىمەن قاتار, «تسيفرلى قازاقستان» جەكە باعدارلاماسىن قابىلداۋدى تاپسىردى. مەملەكەتتىك باعدارلاما تسيفرلى ەكوجۇيەنى ۇدەمەلى دامىتۋ ارقىلى حالىقتىڭ ءومىر ءسۇرۋ ساپاسى مەن قازاقستان ەكونوميكاسىنىڭ باسەكەگە قابىلەتتىلىگىن ارتتىرۋعا باعىتتالعان. كەڭەس بارىسىندا تسيفرلى جىبەك جولىن ىسكە اسىرۋ, جاسامپاز قوعامدى دامىتۋ, پرواكتيۆتى مەملەكەتكە اۋىسۋ بويىنشا جۇمىستاردى جۇيەلەۋگە قاتىستى اقپارات جانە كوممۋنيكاتسيالار مينيسترلىگىنىڭ ءىس-ارەكەتتەرى تالقىلانىپ, ەكونوميكا سالالارىنداعى تسيفرلى تۇرلەندىرۋ شارالارى قارالدى.