پاكىستاننىڭ Pakistan International Airlines كومپانياسىنىڭ چيترال قالاسىنان يسلامابادقا بەت العان ATR-42 جولاۋشىلار ۇشاعى اپاتقا ۇشىرادى. قايعىلى وقيعا حاۆەليان قالاسىنا جاقىن جەردە ورىن الدى, دەپ حابارلايدى BBC.
بۇل تۋرالى سونداي-اق, جەرگىلىكتى پوليتسياعا سىلتەمە جاساعان Reuters اگەنتتىگى دە حابارلادى. پوليتسيانىڭ حابارلاۋىنشا, اۋە كولىگى تاۋلاردىڭ اراسىنا قۇلاعان. اپاتتان ەشكىم ءتىرى قالمادى. بۇعان دەيىن ۇشاق اۋەگە كوتەرىلگەننەن كەيىن راداردان جوعالىپ كەتكەنى, ال پيلوتتىڭ اپات سيگنالىن بەرگەنى حابارلانعان.
تاسس اگەنتتىگىنىڭ اقپارىنا سايكەس, وقيعا ورنىنان 36 ادامنىڭ دەنەسى تابىلدى. بورتتا بارلىعى 42 جولاۋشى (31 ەر ادام, 9 ايەل ادام جانە 2 ءبۇلدىرشىن), 6 ەكيپاج مۇشەسى بولعان.
الدىن الا بولجام بويىنشا, ۇشاق قوزعالتقىشتارىنىڭ ءبىرى ىستەن شىققان.