جاڭا جىل قارساڭىندا "كۇرەسكەر ءبىر: جۇلدىزدى سوعىستار حيكاياسى" ءفيلمىنىڭ قازاق تىلىندەگى ترەيلەرى شىقتى, - دەپ حابارلايدى TengrinewsTV. ايتا كەتەيىك, ءفيلمنىڭ تۇساۋكەسەرى 2016 جىلدىڭ 15 جەلتوقسانىنا جوسپارلانعان.
فيلمدەگى كەيىپكەرلەردى ولجاس جاقىپبەك, شەحناز قىزىحانوۆ, داۋرەن سەرعازين, سىرىم قاشقاباەۆ, ميراس جاقىپوۆ, ساعادىلدا ۇسىپاليەۆ, اسىلبەك قاپاەۆ, شاح-مۇرات ورداباەۆ, ءلايلا سۇلتانقىزى, نۇركەن وتەۋىلوۆ, يسلام زەينۋللاەۆ جانە باسقا دا قازاقستاندىق اكتەرلەر داۋىستايدى. "كۇرەسكەر ءبىر: جۇلدىزدى سوعىستار حيكاياسى" ءفيلمى 2011 جىلى قازاق تىلىنە دۋبلياجدالعان بيىل ءتورتىنشى, ال جالپى 17-ءشى كارتينا بولىپ سانالادى. جوبانىڭ ۇيىمداستىرۋشىلارى - Marwin كومپانياسى قولداۋ كورسەتىپ وتىرعان "بولاشاق" كورپوراتيۆ قورى.