Fox Sports تەلەارناسى دوپينگ داۋىنا بايلانىستى 2008 جانە 2012 جىلدارعى وليمپيادا ويىندارىنداعى جۇلدەلەرىنەن ايىرىلعان سپورتشىلاردىڭ ءتىزىمىن جاريالادى دەپ حابارلايدى Sports.kz.
بۇل تىزىمدە 19 سپورتشىسى دوپينگ داۋىنا ىلىككەن رەسەي كوش باستاپ تۇر. ودان كەيىنگى ورىندا قازاقستان تۇر. حالىقارالىق وليماپيادا كوميتەتى (حوك) ەلىمىزدىڭ 9 سپورتشىسىن مەدالىنەن ايىرعان. سونداي-اق 7 مەدالىنەن ايىرىلعان بەلارۋس – ءۇشىنشى ورىندا.
Fوx Sports مالىمەتىنە سايكەس, دوپينگكە اسىرەسە, اۋىر اتلەتتەر كوبىرەك ءىلىنىپتى. ولاردىڭ سانى – 26. ودان كەيىن رۇقسات ەتىلمەگەن پرەپاراتتاردى قولدانعان 18 سپورتشى – جەڭىل اتلەتتەر مەن 5-ەۋى بالۋاندار. ولاردىڭ اراسىندا 31-ءى ايەلدەر بولسا, 18-ءى ەر ادامدار.
ايتا كەتەيىك, 2008 جىلعى وليمپيادا ويىندارىنان يليا يلين (اۋىر اتلەتيكا, التىن), يرينا نەكراسوۆا (اۋىر اتلەتيكا, كۇمىس), تايمۋراز تيگيەۆ (ەركىن كۇرەس, قولا), ماريا گرابوۆەتسكايا (اۋىر اتلەتيكا, قولا) جانە اسەت مامبەتوۆ (گرەك-ريم, قولا) مەدالدارىنان ايىرىلدى. ال 2012 جىلعى وليمپيادا ويىندارىندا يليا يلين, مايا مانەزا, سۆەتلانا پودوبەدوۆا جانە ءزۇلفيا چينشانلونىڭ ء(بارى – اۋىر اتلەتيكا) التىندارى كەرى قايتارىلدى.