ۇلتتىق وليمپيادا كوميتەتى (ۇوك) ريو وليمپياداسىنىڭ كۇمىس جۇلدەگەرلەرى ۆاسيلي لەۆيت پەن ادىلبەك نيازىمبەتوۆكە «التىنعا» پارا-پار سىياقىنى تابىستاماق, دەپ حابارلادى قازاقپارات قازاقستان بوكس فەدەراتسياسىنىڭ ءباسپاسوز قىزمەتىنە سىلتەمە جاساپ.
«ۆاسيلي لەۆيت پەن ادىلبەك نيازىمبەتوۆكە «التىنعا» بەرىلەتىن وليمپيادالىق سىياقىنى تابىستاۋ ءراسىمى استانادا 8 جەلتوقساندا وتەدى. ءبىزدىڭ سپورتشىلار اسقان شەبەرلىك, مويىماس قايرات پەن بارشا الەمگە ناعىز وليمپيادالىق رۋح تانىتا ءبىلدى», - دەلىنگەن قبف حابارلاماسىندا.
ريو-دە-جانەيرو وليمپياداسىندا ۆاسيلي لەۆيت پەن ادىلبەك نيازىمبەتوۆ كۇمىس مەدالدار ولجالاعان. الايدا, 2016 جىلى 26 تامىزدا قازاقستان پرەزيدەنتى ۆاسيلي لەۆيت پەن ادىلبەك نيازىمبەتوۆتىڭ ەڭبەگىن جوعارى باعالاپ, ولارعا التىن مەدال ءۇشىن بەرىلەتىن سىياقىنى بەرۋ تۋرالى شەشىم جاسادى.
ەستەرىڭىزگە سالا كەتەيىك, 91 كەلى سالماق دارەجەسى بويىنشا بوكستان وليمپيادالىق ءتۋرنيردىڭ اقتىق ايقاسىندا تورەشىلەر جەڭىستى رەسەيلىك ەۆگەني تيششەنكوعا بەرگەن بولاتىن. تورەشىلەردىڭ بۇل شەشىمىنە تەك قازاقستاندىق جانكۇيەرلەر عانا ەمەس, الەمنىڭ بوكس سۇيەر جانكۇيەرلەرىنىڭ باسىم بولىگى, سونىڭ ىشىندە رەسەيدىڭ ءبىراز جانكۇيەرلەرى نارازىلىق تانىتقان بولاتىن.