قر پارلامەنت ءماجىلىسىنىڭ پلەنارلىق وتىرىسىندا قر پرەمەر-ءمينيسترىنىڭ ورىنباسارى – اۋىل شارۋاشىلىعى ءمينيسترى ا.ي. مىرزاحمەتوۆ دەپۋتاتتاردىڭ ورمان, اڭشىلىق جانە بالىق شارۋاشىلىقتارى قىزمەتكەرلەرىنىڭ الەۋمەتتىك تۇرعىدا قورعالۋى بويىنشا ساۋالدارىنا جاۋاپ بەردى, دەپ حابارلايدى اۋىل شارۋاشىلىق مينيسترلىگى.
«اعىمداعى زاڭناماعا سايكەس اتالعان سالا جۇمىسشىلارىنا مال جايۋ جانە پىشەن شابۋ ءۇشىن جەر تەلىمدەرىن بەرۋ, سونداي-اق, جۇمىس بابىندا ءجۇرىپ جارالانعاندا نەمەسە قازا تاپقان جاعدايدا وتباسىلارىن الەۋمەتتىك تۇرعىدا قورعاۋ قاراستىرىلعان», – دەدى اسقار مىرزاحمەتوۆ.
2016 جىلى ازاماتتىق قىزمەتكەرلەرگە ەڭبەكاقى تولەۋدىڭ جاڭا جۇيەسى ەنگىزىلدى. بۇل ورمان جانە جانۋارلار دۇنيەسى شارۋاشىلىقتارى جۇمىسشىلارىنىڭ جالاقىلارىن 40 %-عا دەيىن ارتتىرۋعا مۇمكىندىك بەردى. مۇنداي جۇيە بويىنشا ازاماتتىق قىزمەتكەرلەرگە جۇمىس بارىسىنداعى ناتيجەلىلىگى مەن تابىستارى ءۇشىن 50 %-عا دەيىن ۇستەمە اقى تولەۋ قاراستىرىلعان.
«ۇسىنىلىپ وتىرعان زاڭ جوباسىندا اۋىلدىق جەردە جۇمىس اتقارىپ جاتقان ورمان جانە جانۋارلار دۇنيەسى شارۋاشىلىقتارىنىڭ ازاماتتىق قىزمەتكەرلەرىنىڭ مانساپتىق جالاقىلارىن 25 پايىزعا دەيىن كوتەرۋدى قاراستىراتىن نورما ەنگىزىلمەك», – دەپ اتاپ ءوتتى ا.مىرزاحمەتوۆ.
ايتا كەتەيىك, قر پارلامەنت ءماجىلىسىنىڭ پلەنارلىق وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە وسىمدىكتەر جانە جانۋارلار دۇنيەسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى.