شىمكەنتتە ەسكى اۆتوكولىكتەردى قابىلداۋ بەكەتى اشىلدى, دەپ حابارلايدى قالا اكىمدىگىنىڭ ءباسپاسوز قىزمەتى.
ارنايى باعدارلاما بويىنشا جۇمىس ىستەيتىن ورىن قازىر تەك سالماعى 3,5 توننادان اسپايتىن كولىكتەردى قابىلداپ جاتىر. ارنايى ەسەپتەن شىعارىلعان كولىكتى بەكەت ماماندارى 150 مىڭ تەڭگەگە باعالاپ وتىر. باعدارلاما بويىنشا وتكىزىلەتىن اۆتوكولىكتەردىڭ جىلى مەن ماركاسىنا شەكتەۋ قويىلمايدى. تەك بار بولشەگى وزىندە بولۋى شارت. ەگەر كولىكتىڭ سىرتقى شاناعى مەن قوزعالتقىشى ورنىندا بولسا - 150, ال, ولاي بولماسا, 48 مىڭ تەڭگە بەرىلەدى. بۇل تۇستا سىزگە اۆتوكولىكتى جويۋ تۋرالى حاتتامانىڭ تۇپنۇسقاسى مەن ارنايى جازىلعان ءوتىنىش, جەكە باس كۋالىگىنىڭ كوشىرمەسىمەن بىرگە, بانكتتىك ەسەپشوتتىڭ ءنومىرى كەرەك. بىراق, ەسكى كولىكتى الدا-جالدا وتكىز دەپ ەشكىم قينامايدى.
ستاتيستيكاعا سۇيەنسەك, ەسكى كولىكتەردىڭ كوپتىگى جاعىنان ءبىزدىڭ ءوڭىر ەلەمىز بويىنشا ءۇشىنشى ورىندا. ءبىزدىڭ جولدا شىعارىلعانىنا شيرەك عاسىردان اسقان 40 مىڭداي كولىك ءجۇر. اتالمىش جوبا سول كولىكتەردى اينالىمنان شىرۋ ءۇشىن قولعا الىنىپ وتىر. بۇل ءىستى اۋدان ورتالىقتارىندا دا جانداندىرۋ ءۇشىن ءموبيلدى جىلجىمالى بەكەت جەلتوقساننىڭ سەگىزى كۇنى تۇركىستان, 12-سىنە سارىاعاش قالاسىنا بارماقشى. ال, باعدارلاما بويىنشا ءىرى جۇك كولىكتەرىن قابىلداۋ كەلەسى جىلدان باستاپ جۇزەگە اسىرىلۋى مۇمكىن.