كاسپي تەڭىزىنىڭ قازاقستاندىق سەكتورىنداعى كەنىشتىڭ ءبىرى –قاشاعاننان مۇناي وندىرىلە باستادى. قازىرگى ۋاقىتتا مۇندا تاۋلىگىنە 75 مىڭنان استام باررەل مۇناي كوممەرتسيالىق دەڭگەيدە وندىرىلۋدە. الداعى ۋاقىتتا مۇناي ءوندىرۋدىڭ دەڭگەيى ارتتىرىلىپ, تاۋلىگىنە 180 مىڭ باررەل دەڭگەيىنە تۇراقتاندىرۋ كوزدەلىپ وتىر.
ەنەرگەتيكا مينيسترلىگىنىڭ ءباسپاسوز قىزمەتى تاراتقان مالىمەتكە سايكەس اعىمداعى جىلدىڭ سوڭىنا دەيىن 1 ملن.توننا مۇناي جانە 680 ملن تەكشە مەترگە جۋىق گاز, ال 2017 جىلى – 8,9 ملن. توننا مۇناي جانە 5,6 ملرد. تەكشە مەتر گاز ءوندىرۋ جوسپارلانۋدا. بۇدان كەيىن جىلىنا 13 ملن.توننا مۇناي جانە 9 ملرد. تەكشە مەترگە دەيىن گاز ءوندىرۋدى ارتتىرۋ جوسپارى بار.
قاشاعاندى يگەرۋدىڭ ناتيجەسىندە الەمدىك ستاندارتتارعا ساي كەلەتىن وتاندىق تەڭىز سەرۆيستىك ينفراقۇرىلىمى قالىپتاستى. شليۋمبەرجە, سيمەنس, ەنەردجي ۆۋد گرۋپپ, سايپەم سەكىلدى حالىقارالىق كومپانيالار ءوز بىلىمدەرى, تەحنولوگيالارى جانە تاجىريبەلەرىمەن 70-گە جۋىق بىرلەسكەن كومپانيالاردىڭ قۇرىلۋىنا ارىپتەستىك تانىتتى.
قازىرگى كەزدە قاشاعان جوباسىندا قازاقستان يەلىگىندەگى ۇلەسى 50%-دان استام 274 كومپانيا جۇمىس جاسايدى. 180 اسا قازاقستاندىق كومپانيا وقۋدان ءوتىپ, حالىقارالىق ستاندارتتار بويىنشا سەرتيفيكاتتالدى.
قاشاعان جوباسىنا بايلانىستى قۇرىلعان كونسورتسيۋم ماڭعىستاۋ جانە اتىراۋ وبلىستارىنىڭ الەۋمەتتىك جانە ينفراقۇرىلىمدىق دامۋىنا 500 ملن. اقش دوللارىنان استام قاراجات ءبولدى.
جولداسبەك شوپەعۇل, «ەگەمەن قازاقستان».