بۇگىن استانا قالاسى ىشكى ىستەر دەپارتامەنتى جەرگىلىكتى پوليتسيا قىزمەتىنىڭ باسشىسى باقىتجان مالىباەۆ استانا قالاسىندا «ش» دەگەن بەلگىنى تاقپاعان جۇرگىزۋشىلەرگە ايىپپۇل سالىنبايتىنىن مالىمدەدى. بۇل تۋرالى قازاقپارات حابارلادى.
«ش» بەلگىسىن تاقپاعان جۇرگىزۋشىلەرگە ايىپپۇل سالىنباسىن دەگەن تاپسىرما بەرىلدى. تەك توقتاتىپ, ەسكەرتۋ جاسايدى. ءبىزدىڭ اتا-انالارىمىز كەڭەس ۇكىمەتى كەزىنەن سول بەلگىگە ۇيرەنىپ قالعان عوي. بىراق, ءəربىر ادام ءوز قاۋىپسىزدىگى ءۇشىن ءوزى جاۋاپ بەرسە, كولىگىنىڭ دوڭعالاعىندا ءبۇرى بولسا, بەلگىنى تاعىپ السا ءجون بولار», – دەدى ب.مالىباەۆ.