قازاقستان رەسپۋبليكاسى پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ ەلىمىزدىڭ جەڭىل اتلەتيكا فەدەراتسياسىنىڭ پرەزيدەنتى بولىپ سايلاندى, دەپ حابارلادى قازاقپارات.
بۇل تۋرالى استانادا وتكەن قازاقستان جەڭىل اتلەتيكا فەدەراتسياسىنىڭ ەسەپ بەرۋ-سايلاۋ كونفەرەنتسياسى بارىسىندا بەلگىلى بولدى.
كونفەرەنتسيا جۇمىسىنا مادەنيەت جانە سپورت ءمينيسترى ارىستانبەك مۇحامەدي ۇلى, فەدەراتسيا پرەزيديۋمىنىڭ مۇشەلەرى, ايماقتىق فيليالدار جەتەكشىلەرى, قۇراما جاتتىقتىرۋشىلارى, ۇلتتىق وليمپيالىق كوميتەت وكىلدەرى قاتىستى.
ايتا كەتەيىك, ادىلبەك رىسكەلدى ۇلى 2007 جىلدىڭ تامىزىنان 2014 جىلدىڭ جەلتوقسانىنا دەيىن قازاقستان فۋتبول فەدەراتسياسىن باسقاردى. ول سونداي-اق, قازاقستان ۇلتتىق وليمپيالىق كوميتەتىنىڭ جازعى سپورت تۇرلەرى بويىنشا ۆيتسە-پرەزيدەنتى.