بوكستان جارتىلاي اۋىر سالماقتا ونەر كورسەتەتىن قازاقستاندىق ءالي احمەدوۆ 9 جەلتوقسان كۇنى پولشادا كاسىبي رينگتەگى 5-ءشى جەكپە-جەگىن وتكىزەدى. بۇل تۋرالى vesti.kz حابارلادى.
العاشىندا ءاليدىڭ قارسىلاسى لاتۆيالىق ەدۋارد گەراسيموۆس (6-10-1, 6كو) بولاتىنى, كەيىنىرەك ميحال گەرلەتسكيمەن (13-1-0) جەكپە-جەككە شىعاتىنى حابارلانعان. الايدا, BoxRec سايتىنىڭ مالىمەتى بويىنشا ول بەلارۋستىك ۆلاديمير حاركەۆيچپەن جۇدىرىقتاسۋى ءتيىس. كەزدەسۋ 6 راۋندتان تۇرادى.
ايتا كەتەيىك, ءالي احمەدوۆ بۇعان دەيىن وتكىزگەن ءتورت كەزدەسۋىن ۋاقىتىنان بۇرىن اياقتاعان. سونىمەن قاتار, قازاقستاندىق بوكسشىعا ساۋل «كانەلو» الۆارەستىڭ جانە مەنني پاكياونىڭ پروموۋتەرلەرى قىزىعۋشىلىق تانىتىپ وتىرعانى حابارلانعان بولاتىن.